News September 5, 2024
అనంతపురంలో క్రికెట్ కేరింత
అనంతపురంలో దులీఫ్ ట్రోఫీ మ్యాచ్కు విశేష స్పందన లభిస్తోంది. ఇవాళ్టి మ్యాచ్కు ప్రేక్షకులు భారీగా తలివచ్చారు. స్టేడియం ఫుల్ అయింది. ఎండతాకిడి లేకుండా తడికెలు ఏర్పాటు చేశారు. బౌండరీ వెళ్లినప్పుడల్లా ఫ్యాన్స్ కేరింతలతో హోరెత్తించారు. కరవు సీమ ఇంతటి ప్రతిష్టాత్మక టోర్నీకి ఆతిథ్యం ఇవ్వనుండటం ఇదే తొలిసారి. అంతర్జాతీయ స్థాయి క్రీడా ప్రమాణాలతో అనంతపురం స్టేడియం సుందరంగా కనిపిస్తోంది.
courtesy: sakshi
Similar News
News September 11, 2024
రేపటి నుంచి దులీప్ ట్రోఫీలో 2 మ్యాచులు
దులీప్ ట్రోఫీలో భాగంగా గురువారం నుంచి RDT స్టేడియంలోని రెండు మైదానాల్లో మ్యాచులు జరగనున్నాయి. నిర్వాహకులు ఇప్పటికే ఏర్పాట్లు పూర్తి చేశారు. ఇండియా టీం-ఏ, ఇండియా టీం-డీ మ్యాచ్ ఆర్డీటీ ప్రధాన స్టేడియంలో జరగనుంది. ఇండియా టీం-బీ, ఇండియా టీం-సీ మధ్య మరో మ్యాచ్ క్రీడాగ్రామంలోని రెండో గ్రౌండ్లో జరగనుంది. ప్రధాన స్టేడియంలో జరిగే మ్యాచ్ వీక్షించేందుకు ప్రేక్షకులకు అవకాశం ఉంటుంది.
News September 11, 2024
అనంత: రానున్న 5 రోజుల్లో తేలికపాటి వర్షాలు
రానున్న 5 రోజుల్లో ఉమ్మడి అనంతపురం జిల్లాలో చిరు జల్లులతో కూడిన తేలికపాటి వర్షాలు కురిసే అవకాశం ఉందని రేకులకుంట వాతావరణ కేంద్రం శాస్త్రవేత్తలు విజయశంకర్ బాబు, నారాయణ స్వామి తెలిపారు. వచ్చే 5 రోజులు పగటి ఉష్ణోగ్రతలు 33.9 నుంచి 35.2 డిగ్రీలు, రాత్రి ఉష్ణోగ్రతలు 23.5 నుంచి 24.0 డిగ్రీలుగా నమోదయ్యే అవకాశం ఉందన్నారు. ఉదయం పూట గాలిలో తేమ 76 శాతం, మధ్యాహ్నం పూట 45 శాతం నమోదవుతుందన్నారు.
News September 11, 2024
అనంత: విద్యార్థి హత్య కేసు ఛేదించిన పోలీసులు
ఆత్మకూరు మండలానికి చెందిన విద్యార్థి సరిత హత్య కేసులో నిందితుడిని అరెస్ట్ చేసినట్లు ఇటుకలపల్లి సీఐ హేమంత్ కుమార్ తెలిపారు. మంగళవారం గుమ్మగట్ట మండలం వెంకటంపల్లికి చెందిన తిప్పేస్వామిని అరెస్ట్ చేసి అతని వద్ద నుంచి 2 సెల్ ఫోన్లు, వేటకొడవలి స్వాధీనం చేసుకున్నామన్నారు. ప్రేమించాలని యువతిని ఫోన్లో వేధించేవాడని, ఆమె అంగీకరించకపోవడంతో వెంటపడి హత్య చేసినట్లు విచారణలో తేలిందని వెల్లడించారు.