News March 29, 2025

అనకాపల్లిలో రేపు ఉగాది వేడుకలు: కలెక్టర్

అనకాపల్లి నూకాంబిక అమ్మవారి ఆలయంలో ఈనెల 30న ఉదయం 10 గంటలకు ఉగాది వేడుకలు ఘనంగా నిర్వహించడానికి ఏర్పాట్లు నిర్వహిస్తున్నట్లు కలెక్టర్ విజయకృష్ణన్ శనివారం ఓ ప్రకటనలో తెలిపారు. ఈ వేడుకల బాధ్యతలను జిల్లా ఇన్‌ఛార్జి టూరిజం అధికారిణి రమామణికి, పర్యవేక్షణ బాధ్యతలను ఆర్డీఓ షేక్ ఆయిషాకు అప్పగించినట్లు పేర్కొన్నారు. పంచాంగ శ్రవణం, ఉగాది పచ్చడి, పులిహోర వంటి సాంప్రదాయ ప్రసాదాల పంపిణీకి ఏర్పాట్లు చేయాలన్నారు.