News June 20, 2024

ఉద్యాన రైతులకు రాయితీలు విడుదల

2022-23 ఆర్థిక సంవత్సరంలో ఆయిల్ పామ్ సాగు, బిందు సేద్యం పరికరాల రాయితీలను బుధవారం ప్రభుత్వం విడుదల చేసింది. ఖమ్మం జిల్లాలో 2,483 మంది రైతులు 10,561.80 ఎకరాల్లో ఆయిల్ పామ్ తోటలను వేశారు. అంతర సాగుకు ఎకరాకు రూ.2,150, నిర్వహణకు మరో రూ.2,150 చొప్పున ప్రభుత్వం ప్రోత్సాహకరంగా అందిస్తోంది. అలాగే ఉద్యాన పంటల నీటి యాజమాన్యం కోసం ఉపయోగించే పరికరాలకు 2022-23 ఏడాదికి గాను 45.94 లక్షలు విడుదల చేసింది.