News February 26, 2025
ఎంఎస్ఎంఈ సర్వే వేగవంతం చేయండి: కలెక్టర్
అల్లూరి జిల్లాలో ఉన్న సూక్ష్మ, చిన్న తరహా సంస్థల సర్వే వేగంగా పూర్తిచేయాలని కలెక్టర్ దినేష్ కుమార్ అధికారులను మంగళవారం ఆదేశించారు. జిల్లాలో 11,279 సూక్ష్మ చిన్న తరహా సంస్థలలో 4,608 సంస్థలను సర్వే చేసారని, మిగిలిన 6,671 సంస్థల సర్వే పూర్తిచేయాలన్నారు. MSME సర్వే సక్రమంగా చేయని MPDOలకు షోకాజ్ నోటీసులు జారీచేయాలని ఉమ్మడి విశాఖ జిల్లా పరిషత్ CEOను ఆదేశించారు. మార్చి 8నుండి 18వరకు సర్వే జరుగుతుందన్నారు
Similar News
News March 20, 2025
NLG: ఎంబ్రాయిడరీ వర్క్‌లో మహిళలకు ఉచిత శిక్షణ
నల్గొండ శివారులోని SBI గ్రామీణ స్వయం ఉపాధి శిక్షణ సంస్థలో గ్రామీణ నిరుద్యోగ మహిళలకు మార్చి 24 నుంచి మగ్గం వర్క్ (ఎంబ్రాయిడెరీ)లో 30 రోజుల ఉచిత శిక్షణ అందజేస్తున్నామని సంస్థ డైరెక్టర్ రఘుపతి తెలిపారు. శిక్షణ కాలంలో ఉచిత టూల్ కిట్, వసతి, భోజన సదుపాయం కల్పిస్తామన్నారు. 18 సం. నుంచి 45 సంవత్సరాలలోపు ఉమ్మడి నల్గొండకు చెందిన వారు అర్హులని, ఆసక్తి గల వారు మార్చి 23 వరకు దరఖాస్తు చేసుకోవాలన్నారు.
News March 20, 2025
మహబూబ్‌నగర్‌లో AR కానిస్టేబుల్ సూసైడ్
మహబూబ్‌నగర్‌లో ఏఆర్ కానిస్టేబుల్ సూసైడ్ చేసుకున్నారు. సీఐ అప్పయ్య తెలిపిన వివరాలిలా.. స్థానిక గౌడ్స్ కాలనీలో నివాసముంటున్న 2009 బ్యాచ్ కానిస్టేబుల్ ఆకుల శ్రీనివాస్(38) ఏడాది క్రితం రోడ్డు ప్రమాదానికి గురికావడంతో ఆర్థిక, అనారోగ్య సమస్యలతో ఇబ్బంది పడుతున్నారు. దీంతో కొన్ని రోజులుగా తీవ్ర మానసిక ఒత్తిడికి గురైన ఆయన మంగళవారం అర్ధరాత్రి ఇంట్లో ఉరేసుకున్నాడు. మృతుడి భార్య మమత ఫిర్యాదుతో కేసు నమోదైంది.
News March 20, 2025
రాష్ట్రంలో నేడు తేలికపాటి వర్షాలు
ఎండ వేడిమితో అల్లాడుతున్న తెలుగు రాష్ట్రాలకు వాతావరణ శాఖ గుడ్ న్యూస్ చెప్పింది. ఏపీలో ఇవాళ ఉత్తర కోస్తాలో తేలికపాటి వర్షాలు కురుస్తాయని వాతావరణ నిపుణులు తెలిపారు. 22, 23న రాష్ట్రంలోని పలుచోట్ల వర్షాలు కురిసే అవకాశముందన్నారు. తెలంగాణలో రేపటి నుంచి తేలికపాటి నుంచి మోస్తరు వర్షాలు కురిసే అవకాశముందని హైదరాబాద్ వాతావరణ కేంద్రం తెలిపింది. ఈ క్రమంలో మూడు రోజుల పాటు ఉష్ణోగ్రతలు తగ్గుతాయని పేర్కొంది.