News November 19, 2025
ఏపీలో MSME ఎకోసిస్టమ్ బలోపేతానికి సహాయం పెంచండి: మంత్రి
ఏపీలోని MSME రంగం అభివృద్ధి కోసం చేపట్టాల్సిన చర్యలపై కేంద్రంతో చర్చలు జరిగాయని మంత్రి కొండపల్లి శ్రీనివాస్ తెలిపారు. ఢిల్లీలో కేంద్ర MSME మంత్రిత్వ శాఖ అదనపు కార్యదర్శి & అభివృద్ధి కమిషనర్ డాక్టర్ రజనీష్ను మంగళవారం కలిశారు. రాష్ట్రంలో అమలవుతున్న MSME ప్రాజెక్టులు, వాటి పురోగతి, అవసరమైన సహాయంపై వివరించానని, ఎకోసిస్టమ్ను బలోపేతం చేయడానికి కేంద్రం నుంచి అందే సహాయాన్ని పెంచాలని కోరినట్లు తెలిపారు.
Similar News
News January 17, 2026
ఆసిఫాబాద్: వంశీకి గ్రూప్-3 నియామక పత్రం
బెజ్జూర్ మండలం బారేగూడకి చెందిన బొర్కూట్ వంశీ గ్రూప్-3 ఉద్యోగానికి ఎంపికయ్యారు. ఇంటర్మీడియట్ బోర్డులో జూనియర్ అసిస్టెంట్గా నియామకమయ్యారు. శనివారం హైదరాబాద్లోని శిల్పకళా వేదికలో సీఎం రేవంత్ రెడ్డి చేతుల మీదుగా వంశీ నియామక పత్రాన్ని అందుకున్నారు. కుమారుడు ప్రభుత్వ ఉద్యోగానికి ఎంపికవ్వడంపై తల్లిదండ్రులు గంగారం-సుగుణ దంపతులు హర్షం వ్యక్తం చేశారు.
News January 17, 2026
KNR: ఈనెల 20న అప్రెంటిస్షిప్ ఇంటర్వ్యూలు
జహీరాబాద్, సంగారెడ్డిలోని మహీంద్రా సంస్థలో 300 అప్రెంటిస్షిప్ ఖాళీల భర్తీకి ఈ నెల 20న ఇంటర్వ్యూలు నిర్వహించనున్నట్లు జిల్లా గ్రామీణాభివృద్ధి అధికారి శ్రీధర్ తెలిపారు. 10వ తరగతి, ఇంటర్, ఐటీఐ ఉత్తీర్ణులై, 18-25 ఏళ్ల వయసున్న కరీంనగర్ జిల్లా గ్రామీణ యువత దీనికి అర్హులు. ఆసక్తి గలవారు ఒరిజినల్ సర్టిఫికేట్లతో కరీంనగర్లోని స్వశక్తి కళాశాలలోని ఈజీఎంఎం కార్యాలయంలో హాజరుకావాలని ఆయన సూచించారు.
News January 17, 2026
GNT: ఉద్యోగాల పేరిట మోసం.. రూ.85 లక్షలు స్వాహా!
విదేశాల్లో చదువు, ఉద్యోగాల పేరుతో మోసాలకు పాల్పడుతున్న గుంటూరుకు చెందిన ముప్పాళ్ల లీలాకృష్ణను నల్గొండ (D) చింతపల్లి పోలీసులు అరెస్ట్ చేసినట్లు అడిషనల్ DSP రమేశ్ తెలిపారు. పోలేపల్లికి చెందిన కరుణభాయ్ ఫిర్యాదుతో దర్యాప్తు చేపట్టి, నిందితుడిని పట్టుకున్నారు. నిందితుడి నుంచి ల్యాప్టాప్, 3 ఫోన్లు, డెబిట్ కార్డులు స్వాధీనం చేసుకున్నారు. సుమారు రూ.85 లక్షల మేర మోసం చేసినట్లు పోలీసులు నిర్ధారించారు.