News August 15, 2024
కడప: ఉపాధి హామీ కూలీల బిల్లుల చెల్లింపు
జిల్లాలో ఉపాధి హామీ కూలీలకు సంబంధించిన పెండింగ్ బిల్లులను ప్రభుత్వం చెల్లించిందని డ్వామా ఇన్ఛార్జ్ పీడీ విజయ్ కుమార్ ఒక ప్రకటనలో తెలిపారు. జిల్లా వ్యాప్తంగా 2,17,227 మంది ఉపాధి కూలీలకు గాను 29.73 లక్షల పని దినాలకు సంబంధించి రూ 77.29 కోట్ల వేతన బకాయిలు కూలీలకు అందాల్సి ఉండగా మొత్తం చెల్లింపు చేసినట్లు తెలిపారు.
Similar News
News September 8, 2024
ప్రజలారా తస్మాత్ జాగ్రత్త.. కడప SP
వినాయక చవితి పండుగ నేపథ్యంలో వినాయక మండపాల వద్ద ప్రజలు జాగ్రత్తగా ఉండాలని కడప జిల్లా ఎస్పీ హర్షవర్ధన్ రాజు ప్రజలను కోరారు. ప్రతి వినాయక మండపం వద్ద పోలీసు శాఖ తరపున బందోబస్తు ఏర్పాటు చేశామని, అయితే స్వామివారిని దర్శించుకునేందుకు వచ్చే ప్రజలు వారి విలువైన ఆభరణాలు వస్తువుల పట్ల జాగ్రత్త వహించాలన్నారు. పిక్ పాకెటర్స్, చైన్ స్నాచర్లు, ఇతర వస్తువుల దొంగల పట్ల ప్రజలు అప్రమత్తంగా ఉండాలని కోరారు.
News September 7, 2024
కడప జిల్లాలో ఎర్రచందనం స్మగ్లర్ల కోసం కూంబింగ్
గత రెండు రోజులుగా ఎర్రచందనం స్మగ్లర్ల కోసం కూంబింగ్ నిర్వహించినట్లు రేంజర్ కళావతి తెలిపారు. శనివారం ఆమె మాట్లాడుతూ.. సిద్దవటం లంకమల అభయారణ్యంలోని గొల్లపల్లి బీటులో తాపల రస్తా, ఏటిమడుగు, నిమ్మకాయల బండతో పాటుగా.. సమస్యాత్మక ప్రదేశాలలో రెండు రోజులుగా ఎర్రచందనం స్మగ్లర్ల కోసం కూంబింగ్ నిర్వహించామన్నారు. ఈ కూంబింగ్లో డిప్యూటీ రేంజర్ కే ఓబులేసు, గొల్లపల్లి FBO, బేస్ క్యాంప్ సిబ్బంది పాల్గొన్నారు.
News September 7, 2024
కడప: డోజర్ ఢీకొని వ్యక్తి మృతి
కడప జిల్లా పెద్దముడియం మండలంలో శనివారం విషాదం నెలకొంది. పెద్ద పసుపుల గ్రామానికి చెందిన పెరుమాళ్ల దిలీప్(25) జమ్మలమడుగు నుంచి బైక్పై ఇంటికి వెళ్తుండగా ఎదురుగా వచ్చిన డోజర్ ఢీకొంది. దీంతో ఆ యువకుడు అక్కడికక్కడే మృతి చెందాడు. వినాయక చవితి పండుగ నాడే యువకుడు మరణించడంతో గ్రామంలో విషాదఛాయలు అలుముకున్నాయి. ఘటనపై పోలీసులు కేసు నమోదు చేసి దర్యాప్తు చేస్తున్నారు.