News August 22, 2025
కామారెడ్డి: ఏటీసీ కోర్సులపై అవగాహన కల్పించాలి: కలెక్టర్
కామారెడ్డి జిల్లాలోని 3 అడ్వాన్స్డ్ టెక్నాలజీ కేంద్రాల్లో(ఏటీసీ) కోర్సులకు అధిక సంఖ్యలో ప్రవేశాలు జరిగేలా అధికారులు కృషి చేయాలని కలెక్టర్ ఆశిష్ సాంగ్వాన్ సూచించారు. గ్రామాలు, మండలాలవారీగా అర్హులైన యువత జాబితాను సేకరించి, ఏటీసీ కేంద్రాల్లోని అత్యాధునిక కోర్సుల గురించి వివరించాలన్నారు. ఏటీసీ కేంద్రాల్లో యువత చేరేలా చర్యలు తీసుకోవాలని జిల్లా పంచాయతీ అధికారి మురళీని ఆదేశించారు.
Similar News
News January 17, 2026
NRPT: మున్సిపల్ తుది ఓటర్ల జాబితా విడుదల
నారాయణపేట పురపాలక సంఘ పరిధిలో జరగనున్న రెండవ మున్సిపల్ సాధారణ ఎన్నికలు నేపథ్యంలో తుది ఫొటో ఓటర్ల జాబితా, తుది పోలింగ్ స్టేషన్ల జాబితాను అధికారులు విడుదల చేశారు. తెలంగాణ రాష్ట్ర ఎన్నికల కమిషన్, హైదరాబాద్ ఆదేశాల మేరకు శుక్రవారం నారాయణపేట మున్సిపాలిటీ పరిధిలోని 24 వార్డులకు గాను మొత్తం 56 పోలింగ్ స్టేషన్లకు సంబంధించిన ఈ జాబితాలను ప్రజల పరిశీలనార్థం ప్రచురించారు.
News January 17, 2026
కర్నూలులో మహిళా దొంగల అరెస్ట్
కర్నూలు ఆర్టీసీ బస్టాండులో చోరీలకు పాల్పడుతున్న మహారాష్ట్రకు చెందిన రోజీ సుల్తానా, షేక్ రఫీకా అనే మహిళలను 4వ పట్టణ పోలీసులు శుక్రవారం అరెస్టు చేశారు. నవంబర్ 30న శారద అనే మహిళ కోవెలకుంట్ల బస్సు ఎక్కుతున్న సమయంలో ఆమె బ్యాగులోని 9 తులాల బంగారు నగలను దొంగిలించారు. బాధితురాలి ఫిర్యాదు మేరకు సీసీటీవీ ఫుటేజీ ఆధారంగా వారిని గుర్తించి, అరెస్టు చేసినట్లు 4వ పట్టణ సీఐ విక్రమ సింహ తెలిపారు.
News January 17, 2026
సంక్రాంతి 3 కాదు, 4 రోజుల పండుగ
సంక్రాంతి అంటే అందరూ మూడ్రోజుల పండుగ అనుకుంటారు. కానీ ఇది 4 రోజుల సంబరం. భోగి, సంక్రాంతి, కనుమలతో పాటు ముక్కనుమ కూడా ముఖ్యమైనదే. ఈ ముక్కనుమ నాడే కొత్త వధువులు, అమ్మాయిలు బొమ్మల నోము ప్రారంభిస్తారు. 9 రోజుల పాటు మట్టి బొమ్మలను కొలువు తీర్చి, తొమ్మిది రకాల నైవేద్యాలతో అమ్మవారిని పూజించడం ఈ రోజు ప్రత్యేకత. పశుపక్షాదులను, ప్రకృతిని గౌరవిస్తూ జరుపుకునే ఈ ముక్కనుమతోనే సంక్రాంతి సంబరాలు సంపూర్ణమవుతాయి.