News December 1, 2025
కామారెడ్డి: సర్పంచి అభ్యర్థిత్వం కోసం.. ఆత్మగౌరవాన్ని తాకట్టు!
కామారెడ్డి జిల్లాలో సర్పంచి ఎన్నికల సందడి జోరందుకుంది. టికెట్ ఆశిస్తున్న ఆశావాహులు తీవ్ర ఒత్తిడిని ఎదుర్కొంటున్నారు. కేవలం పదవిని గెలుచుకోవాలనే ఆశతో, బడా నాయకుల దృష్టిలో పడటానికి అభ్యర్థులు వింత పద్ధతులను అనుసరిస్తున్నారు. తమ అభ్యర్థిత్వం ఖరారు కావడానికి, వ్యక్తిగత ఆత్మగౌరవాన్ని పక్కన పెట్టి, కుటుంబ సభ్యులతో సహా బడా నేతల వద్దకు వెళ్లి శిరస్సుల తాకట్టు పెడుతున్నారనే విమర్శలు వెల్లువెత్తుతున్నాయి.
Similar News
News February 11, 2026
తెల్లకాకిని మీరెప్పుడైనా చూశారా?
ఆదోని మండలం సంతెక్కుడ్లూరు గ్రామంలో మంగళవారం అరుదైన తెల్లకాకి ప్రత్యక్షమైంది. మారెమ్మ అవ్వ దేవాలయం వద్ద కనిపించిన ఈ కాకిని చూసేందుకు గ్రామస్థులు ఆసక్తి కనబరిచారు. సాధారణంగా నల్లగా ఉండే కాకి ఇలా తెల్లగా ఉండటం వెనుక ఆల్బినిజం (Albinism) అనే జన్యుపరమైన మార్పు కారణమని నిపుణులు చెబుతున్నప్పటికీ, స్థానికులు మాత్రం దీనిని వీరబ్రహ్మేంద్రస్వామి కాలజ్ఞాన ఫలితంగా భావిస్తూ ఆశ్చర్యానికి లోనవుతున్నారు.
News February 11, 2026
మెదక్: నేడు సెలవు మంజూరు: కలెక్టర్
మున్సిపల్ ఎన్నికలలో ఓటర్లుగా ఉన్న వారందరికీ ఎలక్షన్ కమిషన్ ప్రత్యేక సాధారణ సెలవు మంజూరు చేసిందని మెదక్ కలెక్టర్ రాహుల్ రాజ్ తెలిపారు. జిల్లాలోని ప్రభుత్వ ఉద్యోగులు, ఉపాధ్యాయులు తమ ఓటు హక్కును వినియోగించుకోవడానికి ఈ నిర్ణయం తోడ్పడుతుందన్నారు. అర్హులైన ప్రతి ఒక్కరూ పోలింగ్ రోజున తప్పనిసరిగా ఓటు వేయాలని ఆయన సూచించారు. ఈ ఉత్తర్వులతో ఉద్యోగులందరికీ ఓటు వేసే మార్గం సుగమమైంది.
News February 11, 2026
ఫిబ్రవరి 11: చరిత్రలో ఈరోజు
1847: అమెరికన్ శాస్త్రవేత్త థామస్ ఆల్వా ఎడిసన్ జననం
1865: తెలుగు సాహితీవేత్త పానుగంటి లక్ష్మీ నరసింహారావు జననం
1942: బజాజ్ గ్రూప్ సంస్థల వ్యవస్థాపకుడు జమ్నాలాల్ బజాజ్ మరణం
1974: సంగీత దర్శకుడు, గాయకుడు ఘంటసాల వెంకటేశ్వరరావు మరణం (ఫొటోలో)
1977: భారత మాజీ రాష్ట్రపతి ఫక్రుద్దీన్ అలీ అహ్మద్ మరణం