News April 27, 2025
క్రెడిట్ కార్డ్ స్కామ్ ఇలా జరగవచ్చు: అన్నమయ్య ఎస్పీ

మీ క్రెడిట్ కార్డ్ పరిమితిని పెంచడానికి మీకు ఫోన్ కాల్, SMS వస్తే, అది సైబర్ మోసగాళ్ల పని అని. వారి పట్ల జాగ్రత్తగా ఉండాలని అన్నమయ్య జిల్లా ఎస్పీ విద్యాసాగర్ నాయుడు సూచించారు. బ్యాంక్ ఉద్యోగిగా నటిస్తూ మాట్లాడి.. నమ్మించి CVV, OТР ఇతర వివరాలు తెలుసుకొని, మీ క్రెడిట్ కార్డ్ డేటా పొంది మీ కార్డులో ఉన్న లిమిట్ను ఖాళీ చేస్తారని చెప్పారు. మోసపోయిన వారు www.cybercrime.gov.in కు ఫిర్యాదు చేయాలన్నారు.
Similar News
News February 13, 2026
సభలో మోగిన అనంతపురం స్వరం!

అసెంబ్లీ బడ్జెట్ సమావేశాల్లో ఉమ్మడి అనంతపురం జిల్లా మహిళా MLAలు పరిటాల సునీత, బండారు శ్రావణి, పల్లె సింధూరరెడ్డి గళమెత్తారు. ఆత్మకూరు, అనంతపురం మండలాల్లోని 50గ్రామాల్లో తాగునీటి సమస్యను వెంటనే పరిష్కరించాలని <<19129909>>సునీత<<>> డిమాండ్ చేశారు. శింగనమల నియోజకవర్గంలో అంగన్వాడీ భవనాలపై <<19129184>>శ్రావణి<<>>, శ్రీకృష్ణదేవరాయల జయంతిని రాష్ట్ర పండుగగా నిర్వహించాలని <<19127732>>సింధూర<<>> ప్రభుత్వాన్ని కోరారు.
News February 13, 2026
15 మంది బాలలకు విముక్తి: బాపట్ల కలెక్టర్

బాల కార్మిక నిర్మూలన చట్టాలు పకడ్బందీగా అమలు చేయాలని బాపట్ల కలెక్టర్ వినోద్ కుమార్ శుక్రవారం తెలిపారు. జిల్లాలో బాల కార్మికులు ఉండరాదన్నారు. బాల కార్మికుల వ్యవస్థ పూర్తిగా నిర్మూలించడమే అధికారుల లక్ష్యం కావాలన్నారు. రెస్క్యూ బృందాలు నిరంతరం తనిఖీలు చేయాలన్నారు. 14 సంవత్సరాలలోపు బాలలంతా కచ్చితంగా పాఠశాలల్లోనే ఉండేలా చర్యలు తీసుకోవాలన్నారు. 15 మంది బాలలకు విముక్తి కల్పించామన్నారు.
News February 13, 2026
GNT: రాజధాని రైతులకు ముఖ్య గమనిక

రాజధాని అమరావతి రైతులు, రైతు కూలీల సమస్యల పరిష్కారం కోసం రాయపూడిలోని APCRDA ప్రధాన కార్యాలయంలో ప్రతి శనివారం నిర్వహించే “గ్రీవెన్స్ డే” శనివారం అనగా ఫిబ్రవరి 14న రద్దు చేస్తున్నట్లు CRDA అధికారులు తెలిపారు. ఈ మేరకు శుక్రవారం ఓ ప్రకటన విడుదల చేశారు. నిర్వహణ కారణాల రీత్యా రేపు గ్రీవెన్స్ డే జరగదని, రాజధాని ప్రాంతవాసులు ఈ విషయాన్ని గమనించాలని కోరారు.


