News November 19, 2025
గంధసిరిలో పులి కాదు నక్క.. వదంతులు నమ్మొద్దు
ముదిగొండ మండలం గంధసిరి సమీపంలో పులి కనిపించిందనే వదంతులు నమ్మవద్దని ఫారెస్ట్ రేంజ్ ఆఫీసర్ శ్రీనివాస్ రావు తెలిపారు. ఇద్దరు వ్యక్తులు తెలిపిన ప్రదేశాన్ని పరిశీలించగా, అక్కడ సంచరించింది నక్క మాత్రమేనని నిర్ధారించారు. ఈ ప్రాంతంలో పులి సంచారం లేదని, ప్రజలు ఎవరూ భయాందోళనకు గురికావాల్సిన అవసరం లేదని ఆయన స్పష్టం చేశారు.
Similar News
News January 12, 2026
రబీ సీజన్కు సరిపడా యూరియా ఉంది: వ్యవసాయాధికారి
రబీ 2025–26 సీజన్కు సరిపడా యూరియా అందుబాటులో ఉందని జిల్లా వ్యవసాయ అధికారి విజయ్ కుమారి తెలిపారు. జిల్లాకు అవసరమైన 38,353 మెట్రిక్ టన్నుల యూరియాకు ప్రణాళిక రూపొందించగా, ఇప్పటివరకు 25,504 మెట్రిక్ టన్నులు రైతులకు సరఫరా చేసామని. అక్టోబర్ 1, 2025 నుంచి జనవరి 11, 2026 వరకు 21,734 మెట్రిక్ టన్నుల విక్రయాలు జరిగినట్లు తెలిపారు. యూరియా కృత్రిమ కొరత సృష్టిస్తే కఠిన చర్యలు తీసుకుంటామని హెచ్చరించారు.
News January 12, 2026
భూపాలపల్లి: కార్యదర్శిని బెదిరించిన వ్యక్తిపై కేసు నమోదు
భూపాలపల్లి పోలీస్ స్టేషన్ పరిధిలోని నేరేడుపల్లి గ్రామపంచాయతీ కార్యదర్శి నరేశ్ని బెదిరించిన కేసులో బత్తిని సంతోష్ పై కేసు నమోదు చేసి దర్యాప్తు చేస్తున్నట్లు భూపాలపల్లి సీఐ డి.నరేశ్ కుమార్ తెలిపారు. గ్రామపంచాయతీ ఆఫీస్ దగ్గర ప్రభుత్వ భూమిలో అక్రమంగా రేకుల షెడ్డు వేయగా మూడుసార్లు నోటీసు ఇచ్చి అడిగితే కార్యదర్శి నరేశ్ని దుర్భాషలాడుతూ నరుకుతానని బెదిరించడంతో కేసు నమోదు చేశామని సీఐ తెలిపారు.
News January 12, 2026
కామారెడ్డి: సీఎం కప్ క్రీడలకు దరఖాస్తుల ఆహ్వానం
కామారెడ్డి జిల్లాలో నిర్వహించనున్న ‘సీఎం కప్-2025’ పోటీలకు ఆసక్తి గల క్రీడాకారులు ఆన్లైన్లో దరఖాస్తు చేసుకోవాలని కలెక్టర్ ఆశీష్ సంగ్వాన్ కోరారు. రాష్ట్ర క్రీడా ప్రాధికార సంస్థ ఆదేశాల మేరకు జిల్లాలో క్లస్టర్, మండల, నియోజకవర్గ, జిల్లా స్థాయిల్లో ఈ పోటీలు నిర్వహిస్తామన్నారు. గ్రామీణ స్థాయి క్రీడాకారులు ఈ అవకాశాన్ని సద్వినియోగం చేసుకోవాలని సూచించారు.