News August 13, 2025

గుంటూరు: భారీ వర్షాలు.. రైళ్ల వేగం తగ్గింపు

గుంటూరు జిల్లాలో భారీ వర్షాలు కురుస్తున్న నేపథ్యంలో ప్రయాణికుల భద్రత దృష్ట్యా 30కి.మీ వేగంతో రైళ్లు నడపాలని రైల్వే అధికారులు ఆదేశాలు జారీ చేశారు. ఉమ్మడి గుంటూరు జిల్లా పరిధిలో భారీ వర్షాల నేపథ్యంలో పలు రైల్వే ట్రాకుల వెంట వరద నీరు చేరింది. వెజెండ్ల-మణిపురం మధ్య వంతెన నంబర్ 14 వద్ద నీరు చేరింది. పిడుగురాళ్ల-బెల్లంకొండ మధ్య 59వ నంబర్ వంతెన వద్దకు కూడా వర్షపు నీరు చేరింది.