News September 12, 2025

దసరా స్పెషల్.. అనకాపల్లి-చర్లపల్లికి ప్రత్యేక రైళ్లు

విజయదశమి సందర్భాన్ని పురస్కరించుకొని చర్లపల్లి-అనకాపల్లి- చర్లపల్లికి ప్రత్యేక రైళ్ల నడపనున్నట్లు దక్షిణ మధ్య రైల్వే అధికారులు గురువారం ఓ ప్రకటనలో తెలిపారు. ఈనెల 13 నుంచి వచ్చే నెల 4 వరకు ప్రతి శనివారం చర్లపల్లి నుంచి అనకాపల్లికి ఈ రైలు నడుస్తుందన్నారు. అలాగే ప్రతి ఆదివారం అనకాపల్లి నుంచి చర్లపల్లికి ప్రత్యేక రైలు నడుపుతున్నట్లు తెలిపారు. ఈ అవకాశాన్ని వినియోగించుకోవాలని కోరారు.