News October 5, 2025
నెల్లూరు జిల్లాలో పెరుగుతున్న నేరాలు
మహిళలపై జరుగుతున్న నేరాల్లో నెల్లూరు జిల్లా రాష్ట్రంలో 7వస్థానంలో ఉన్నట్లు జాతీయ నేర గణాంక సంస్థ-2023 నివేదిక స్పష్టం చేస్తోంది. అత్యాచారం చేసి ఇద్దరిని హతమార్చారు. అదనపు కట్నం వేధింపులతో 6మంది చనిపోయారు. అత్తింటి వారి వేధింపులపై 507, అత్యాచారాలపై కేసులు 13, చిన్నారులపై వేధింపు కేసులు 121 నమోదయ్యాయి. 69 పోక్సో కేసులు, 585 మహిళల మిస్సింగ్ కేసులు ఫైలయ్యాయి.
Similar News
News January 23, 2026
నెల్లూరు: SP- సంపర్క్ కార్యక్రమానికి శ్రీకారం
‘డయల్ యువర్ SP.’ (SP- సంపర్క్) అనే పోలీస్ సిబ్బంది గ్రేవియన్స్ కార్యక్రమానికి ఎస్పీ డా. అజిత వేజెండ్ల శ్రీకారం చుట్టారు. ఆమె మాట్లాడుతూ.. జిల్లా పోలీసు సిబ్బంది సంక్షేమానికి అత్యున్నత ప్రాధాన్యం ఇస్తూ, వారి సమస్యలను నేరుగా తెలుసుకునే ఉద్దేశ్యంతో ‘డయల్ యువర్ SP.’ అనే కార్యక్రమాన్ని ప్రారంభించినట్లు తెలిపారు. ఈ కార్యక్రమం ప్రతి శుక్రవారం మధ్యాహ్నం 3.00 నుంచి 5.00 గంటల వరకు నిర్వహిస్తామన్నారు.
News January 23, 2026
ఉదయగిరి: ‘సాయంత్రం 6 గంటల తర్వాత అటువైపు వెళ్లొద్దు’
ఉదయగిరి – బండగానిపల్లి ఘాట్ రోడ్డు వైపు సాయంత్రం 6 గంటల తర్వాత అటువైపు వెళ్లొద్దని ఉదయగిరి రేంజ్ అధికారి BS కుమార్ రాజా తెలిపారు. శుక్రవారం కొండ కింద గ్రామాలలో అటవీ, పోలీస్, రెవెన్యూ, ఎంపీడీవో అధికారులు సందర్శించి అవగాహన కార్యక్రమం నిర్వహించారు. అత్యవసరం అయితే మాత్రమే గుంపుగా ఘాట్ రోడ్డులో ప్రయాణం చేయాలని, మూగజీవాలను అడవిలోకి తీసుకు వెళ్లొద్దని సూచించారు.
News January 23, 2026
నెల్లూరు: సాగు మొదలైనా.. భూసార నివేదికలు ఎక్కడ?
జిల్లాలో వరి సాగు దాదాపు 5 లక్షల ఎకరాలకు పైగా జరుగుతోంది. సాగు మొదలై రెండో నెల అవుతున్నా భూసార నివేదికలు రైతన్నలకు అందలేదు. 31,231 నేల పరీక్షలు లక్ష్యం కాగా 30,785 నమూనాలు సేకరించారు. వీటిలో 23,306 శాంపిల్స్ పరీక్షించగా 14,104 SOIL హెల్త్ కార్డ్స్ను అందించారు. నేల స్వభావాన్ని అనుసరించి ఎరువుల వినియోగం జరగని పరిస్థితులు వెంటాడుతున్నాయి. మిగిలిన కార్డ్స్ అందించే లోపు సాగు పూర్తయ్యే అవకాశాలున్నాయి.