News September 19, 2024
నెల్లూరు: నవంబర్ 10 నుంచి అగ్నివీర్ ఆర్మీ రిక్రూట్మెంట్ ర్యాలీ
నవంబర్ 10 నుంచి 15వ తేదీ వరకు నిర్వహించనున్న అగ్నివీర్ ఆర్మీ రిక్రూట్మెంట్ ర్యాలీని విజయవంతం చేయాలని కడప కలెక్టర్ శివశంకర్ అన్నారు. కలెక్టరేట్‌లో అగ్నివీర్ రిక్రూట్మెంట్ ర్యాలీ నిర్వహణ ఏర్పాట్లపై రిక్రూటింగ్ డైరెక్టర్ కల్నన్ పునీత్ కుమార్, SP హర్షవర్ధన్ రాజు, JC అదితి సింగ్, రిక్రూట్మెంట్ అధికారితో సమావేశమయ్యారు. కడపలో ఎంపికలు జరుగుతాయని, నెల్లూరు, తిరుపతి జిల్లాల అభ్యర్థులు హాజరుకావాలని అన్నారు.
Similar News
News October 11, 2024
చిల్లకూరులో కన్న తల్లిని కడతేర్చిన కొడుకు
కన్న తల్లిని కన్న కొడుకే కడతేర్చిన ఘటన చిల్లకూరు మండలం, కమ్మవారిపాలెంలో గురువారం చోటు చేసుకుంది. స్థానికుల కథనం మేరకు గ్రామంలో కాపురముంటున్న సుశీలమ్మ కొడుకు మద్యం తాగొచ్చాడని మందలించింది. ఈ నేపథ్యంలో ఆవేశంతో కత్తితో కుమారుడు తల్లి తల మీద నరికాడు. వెంటనే గూడూరు ఆసుపత్రికి తీసుకెళ్లేలోపు మహిళ మృతి చెందింది. ఘటనపై చిల్లకూరు పోలీసులు దర్యాప్తు చేస్తున్నామన్నారు.
News October 11, 2024
సింహపురి యూనివర్సిటీలో స్పాట్ అడ్మిషన్లకు గడువు పొడిగింపు
విక్రమ సింహపురి యూనివర్సిటీలో ఐసెట్ స్పాట్ అడ్మిషన్ల గడువును ఈనెల 15వతేదీ వరకు పొడిగించినట్లు వర్శిటీ అడ్మిషన్స్ డైరెక్టర్లు డాక్టర్ హనుమారెడ్డి, డాక్టర్ ఎస్.బి సాయినాథ్ ఒక ప్రకటనలో తెలిపారు. స్పాట్ అడ్మిషన్ లో సీటు పొందేందుకు ఐసెట్- 2024 క్వాలిఫై అయిన అభ్యర్థులు మాత్రమే అర్హులన్నారు. మరింత సమాచారం కోసం వీఎస్ యూలోని డీవోఏ కార్యాలయంలో సంప్రదించాలన్నారు.
News October 11, 2024
సూళ్లూరుపేట: ఆ 4 షాపులకు ఒక్కో అప్లికేషన్
నూతన పాలసీ ప్రకారం తిరుపతి జిల్లా సూళ్లూరుపేట పట్టణంలో 14 వైన్ షాపులు ఏర్పాటు కానున్నాయి. ఇప్పటి వరకు కేవలం 27అప్లికేషన్లే వచ్చాయి. షాపు నంబర్ 175, 182, 183, 187కు కేవలం ఒక్కో దరఖాస్తు మాత్రమే దాఖలైంది. సాయంత్రంలోగా వీటికి మరెవరూ అప్లికేషన్ పెట్టుకోకపోతే లాటరీ అవసరం లేకుండా వీరికే షాపులు దక్కే అవకాశం ఉంది. అదృష్టాన్ని చెక్ చేసుకోవడానికి ఎవరైనా చివరి నిమిషంలో దరఖాస్తు పెడితే ఇక్కడ లాటరీ తప్పనిసరి.