News April 2, 2025

నేటి నుంచి ఎస్వీయూ దూరవిద్య పరీక్షలు

తిరుపతి ఎస్వీయూ దూరవిద్యా కేంద్రం ఆధ్వర్యంలో 2022లో చేరిన విద్యార్థులకు యూజీ, పీజీ పరీక్షలు బుధవారం నుంచి జరగనున్నాయి. రాష్ట్రవ్యాప్తంగా 50 పరీక్ష కేంద్రాల్లో 32,650 మంది విద్యార్థులు పరీక్షలు రాస్తున్నట్లు కేంద్రం డైరెక్టర్ రమేశ్ బాబు తెలిపారు. రాష్ట్రంలోని అన్ని ప్రభుత్వ డిగ్రీ కళాశాలలో ఈ పరీక్షలు నిర్వహిస్తామని చెప్పారు. విద్యార్థులు మాల్ ప్రాక్టీస్ చేస్తే డీబార్ చేస్తామని హెచ్చరించారు.