News February 18, 2025

పెద్దపల్లి: ఉద్యమకారుల సంక్షేమ బోర్డు ఏర్పాటు చేయాలని మంత్రికి వినతి 

తెలంగాణ ఉద్యమకారుల సంక్షేమానికి కృషి చేయాలని తెలంగాణ ఉద్యమకారుల ఫోరం రాష్ట్ర కన్వీనర్ గుండేటి ఐలయ్య యాదవ్ సోమవారం పెద్దపల్లి జిల్లా కేంద్రానికి విచ్చేసిన మంత్రి దుద్దిళ్ల శ్రీధర్ బాబుకు వినతి పత్రం అందజేశారు. తెలంగాణ ఉద్యమకారులను గుర్తించడానికి ప్రభుత్వం ఒక కమిటీ వేసి ప్రభుత్వం నుంచి గుర్తింపు కార్డులు ఇవ్వాలని వినతిపత్రంలో పేర్కొన్నారు. ప్రభుత్వం ఉద్యమకారుల గురించి ఆలోచించి న్యాయం చేయాలని కోరారు.