News January 10, 2026
పెద్దపల్లి: క్రీడా స్ఫూర్తి చాటేలా ‘సీఎం కప్’ ర్యాలీ
పెద్దపల్లి జిల్లాలో సీఎం కప్-2025 (రెండో విడత) ఉత్సాహాన్ని నింపేందుకు సిద్ధమైంది. ఈనెల 12న ఉదయం 10 గంటలకు జిల్లా కేంద్రంలో టార్చ్ ర్యాలీని నిర్వహించనున్నట్లు జిల్లా యువజన, క్రీడల శాఖ అధికారి ఏ.సురేశ్ తెలిపారు. స్థానిక ప్రభుత్వ జూనియర్ కళాశాల నుంచి బస్టాండ్ వరకు సాగే ఈ ర్యాలీలో ఎమ్మెల్యే, కలెక్టర్, అదనపు కలెక్టర్తో పాటు పలువురు ప్రజాప్రతినిధులు పాల్గొంటారని వెల్లడించారు.
Similar News
News January 21, 2026
రేపు జగన్ మీడియా సమావేశం
AP: YSRCP చీఫ్, మాజీ సీఎం వైఎస్ జగన్ మోహన్ రెడ్డి గురువారం మీడియా సమావేశం నిర్వహించనున్నారు. ఉదయం 11 గంటలకు తాడేపల్లిలోని పార్టీ కేంద్ర కార్యాలయంలో ఆయన మీడియా ప్రతినిధులతో మాట్లాడతారని పార్టీ ప్రకటన విడుదల చేసింది. సమకాలీన అంశాలపై సమావేశంలో జగన్ ప్రసంగిస్తారని వివరించింది.
News January 21, 2026
పట్టాదారు పాసు పుస్తకాల ప్రక్రియను పరిశీలించిన కలెక్టర్
పరిగి మండలంలో జరుగుతున్న డ్రాఫ్ట్ పట్టాదారు పాసు పుస్తకాల పరిశీలనను జిల్లా కలెక్టర్ శ్యాంప్రసాద్ బుధవారం తనిఖీ చేశారు. రీ సర్వే పూర్తయిన హుస్సేన్ బి అనే మహిళకు ఈ-కేవైసీ పూర్తి చేసి డ్రాఫ్ట్ పట్టా ప్రతిని ఆమెకు అందజేశారు. పాస్ పుస్తకాల జారీలో ఎలాంటి అవకతవకలు జరగకూడదని, ధ్రువీకరణ ప్రక్రియ అత్యంత జాగ్రత్తగా నిర్వహించాలని అధికారులను కలెక్టర్ ఆదేశించారు.
News January 21, 2026
జగిత్యాల: గ్రామాలే దేశానికి పట్టుకొమ్మలు: మంత్రి సీతక్క
జగిత్యాల జిల్లాలో నూకపల్లి న్యాక్ సెంటర్లో నూతన సర్పంచుల కోసం ఏర్పాటు చేసిన ఓరియంటేషన్ శిక్షణ కార్యక్రమానికి మంత్రి సీతక్క హాజరయ్యారు. గ్రామాలే దేశానికి పట్టుకొమ్మలని, సుపరిపాలనతో వాటిని ఆదర్శంగా తీర్చిదిద్దాలని సూచించారు. సర్పంచులు ప్రజల అవసరాలను గుర్తించి, కేంద్ర, రాష్ట్ర నిధులను ప్రాధాన్యత క్రమంలో వినియోగించాలని పిలుపునిచ్చారు. పారదర్శకమైన పాలనతో గ్రామాల అభివృద్ధికి కృషి చేయాలన్నారు.