News December 2, 2025
ప్రయాణికుల రద్దీ నియంత్రణకు రైళ్లకు అదనపు బోగీలు
పలు రైళ్లలో ఈస్ట్ కోస్ట్ రైల్వే తాత్కాలికంగా అదనపు బోగీలు జత చేసింది. ప్రయాణికుల అధిక రద్దీని దృష్టిలో ఉంచుకుని స్లీపర్, AC–3 కోచ్లలో డిసెంబర్ 1 నుంచి జనవరి 2 వరకు అందుబాటులో ఉంటాయని వాల్తేరు రైల్వే కార్యాలయం సోమవారం ఒక ప్రకటనలో తెలిపింది. సంబల్పూర్, ఎరోడ్, భువనేశ్వర్, బెంగళూరు, తిరుపతి మార్గాల్లోని రైళ్లలో ఈ ప్రత్యేక సౌకర్యం అందుబాటులో ఉండనునంది.
Similar News
News February 15, 2026
ఈనెల 17న ప్రభుత్వ డిగ్రీ కళాశాలలో ఉద్యోగ మేళా
కామారెడ్డి ప్రభుత్వ డిగ్రీ కళాశాలలో ఈనెల 17న మంగళవారం ఉద్యోగ మేళా నిర్వహించనున్నట్లు ప్రిన్సిపల్ డాక్టర్ విజయ్ కుమార్ శనివారం తెలిపారు. టీఎస్ కేసీ, మేజిక్ బస్ ఇండియా ఫౌండేషన్ సౌజన్యంతో బహుళజాతి కంపెనీల్లో నియామకాల కోసం ఈ మేళా చేపడుతున్నారు. డిగ్రీ, బీటెక్, బీఫార్మసీ, పీజీలో 50 శాతం మార్కులు సాధించిన వారు అర్హులని పేర్కొన్నారు. నిరుద్యోగ యువత ఈ అవకాశాన్ని సద్వినియోగం చేసుకోవాలని ఆయన కోరారు.
News February 15, 2026
శివ నామాలు అర్థాలు ‘‘కాలభైరవ’’
శివుని ఉగ్ర రూపాలలో ‘కాలభైరవుడు’ శక్తివంతమైనది. ‘కాల’ అంటే సమయం అని అర్థం. సమయాన్ని శాసించేవాడు, కాలాన్ని మింగేసేవాడు కాబట్టి ఆయన కాలభైరవుడు. ముఖ్యంగా కాశీ క్షేత్రానికి ఈయనే రక్షకుడు(క్షేత్ర పాలకుడు). తప్పు చేసిన వారు ఎంతటి వారైనా శిక్షించే అధికారం ఈయనకు ఉంటుంది. భక్తుల భయాన్ని పోగొట్టి, శత్రువుల నుంచి రక్షించే దైవం ఈయన. మనలోని అహంకారాన్ని అంతం చేసి మోక్షమార్గాన్ని చూపే దైవంగా ఈయనను ఆరాధిస్తారు.
News February 15, 2026
పెద్దపల్లి: రేపు తెలంగాణ SF ఎక్స్ప్రెస్ రీ షెడ్యూలింగ్
రైలు నంబర్ 12723 హైదరాబాద్- న్యూఢిల్లీ తెలంగాణ సూపర్ ఫాస్ట్ ఎక్స్ప్రెస్ రేపు 3 గంటలు ఆలస్యంగా బయలు దేరనున్నట్లు నేడు దక్షిణ మధ్య రైల్వే అధికారులు పేర్కొన్నారు. హైద్రాబాద్లో ఉదయం 6 గంటలకు బయలుదేరాల్సిన రైలును 3 గంటలు ఆలస్యంగా రీషెడ్యూల్ చేసిన నేపథ్యంలో ఆదివారం ఉదయం 9 గంటలకు బయలుదేరుతుందని తెలిపారు. కాజీపేట, రామగుండం, మంచిర్యాల తదితర ప్రాంతాల ప్రయాణికులు సమయ పాలన మార్పు గమనించాలని సూచించారు.