News August 22, 2025

ప.గో: గోదావరి నదిపై నిలిచిన ఫెర్రీపై రాకపోకలు

ఎగువ ప్రాంతం నుంచి వస్తున్న వరద నీరుతో వశిష్ఠ గోదావరి నది ప్రవాహం పెరిగింది. నరసాపురం గోదావరినది ఉదృతంగా ప్రవహించడంతో నదిపై రాకపోకలు నిలిపేశారు. దీంతో పడవలు, ఫెర్రీలు ఎక్కడికక్కడే నిలిచి పోయాయి. ఉన్నతాధికారులు ఆదేశాలు మేరకు తహశీల్దార్ సత్యనారాయణ గోదావరి నదీ తీరాన్ని పరిశీలించారు. ఫెర్రీ రేవు నిర్వహకులతో మాట్లాడుతూ.. ఎట్టి పరిస్థితుల్లో నదిపై రాకపోకలు నిర్వహించరాదని ఆదేశించారు.