News August 12, 2025

బాలికపై హత్యాచారం కేసులో యావజ్జీవ శిక్ష

హిందూపురం రూరల్ మండలం తూముకుంటలో 8ఏళ్ల బాలికపై అత్యాచారం చేసి హత్య చేసిన కేసులో నిందితుడు గంగాధర్‌కు శిక్ష పడింది. అనంతపురం ఫోక్సో కోర్టు యావజ్జీవ కారాగార శిక్ష విధించినట్లు జిల్లా ఎస్పీ రత్న తెలిపారు. అలాగే రూ.10 వేల జరిమానా విధించిందని పేర్కొన్నారు. గతేడాది ఆగస్టులో ఈ ఘటన జరగ్గా పోలీసులు కేసు నమోదు చేశారు. న్యాయమూర్తి 17 మంది సాక్షులను విచారించగా నేరం రుజువు కావడంతో సోమవారం తీర్పు వెల్లడించారు.