News August 22, 2025

బోజ్యతండాలో నాలుగేళ్ల తర్వాత మోగిన బడి గంటలు

పాల్వంచ మండలం బోజ్యతండాలో నాలుగేళ్లుగా మూతపడ్డ ప్రాథమిక పాఠశాల శుక్రవారం తిరిగి ప్రారంభమైంది. పాల్వంచ MPDO విజయ భాస్కర్ రెడ్డి ఈ పాఠశాలను పునఃప్రారంభించారు. గతంలో గ్రామంలో బడి వయసు పిల్లలు లేకపోవడంతో పాఠశాలను మూసివేశారు. ఇటీవల విద్యాశాఖ కమిషనర్ జిల్లా పర్యటన సందర్భంగా మూతబడిన పాఠశాలలను తిరిగి ప్రారంభించాలని ఆదేశాలు జారీ చేయడంతో ఈ చర్యలు తీసుకున్నారు. దీంతో గ్రామస్థులు సంతోషం వ్యక్తం చేశారు.