News October 6, 2025

భద్రాద్రి కొత్తగూడెం: పోలీస్ శాఖలో విషాదం.. ఏసీపీ మృతి

భద్రాద్రి కొత్తగూడెం జిల్లా గుండెపోటుతో జూలూరుపాడు మండలం వెంగన్నపాలెం గ్రామానికి చెందిన ఏసీపీ సుబ్బతి విష్ణుమూర్తి (42) ఆదివారం రాత్రి మృతి చెందారు. ఆయన హైదరాబాద్‌లో ఏసీపీగా విధులు నిర్వర్తిస్తున్నారు. రాత్రి తన నివాసంలో గుండెపోటు రావడంతో కుటుంబ సభ్యులు ఆసుపత్రికి తరలించే ప్రయత్నం చేశారు. మార్గమధ్యంలోనే ఆయన తుదిశ్వాస విడిచారు. విష్ణుమూర్తి మృతితో ఆయన స్వగ్రామంలో విషాద ఛాయలు అలుముకున్నాయి.