News November 19, 2025
మావోయిస్టు నేత కొయ్యడ సాంబయ్య ఎక్కడ..?
మావోయిస్టు అగ్ర నేత హిడ్మా ఎన్కౌంటర్, చీఫ్ తిప్పిరి తిరుపతి అంగరక్షకుల అరెస్ట్ నేపథ్యంలో ములుగు(D) చెందిన కొయ్యడ సాంబయ్య @ఆజాద్ ఎక్కడ..? అనే ప్రశ్న వినిపిస్తోంది. ఈనెల 14న ఆయనతో పాటు గోదావరిఖనికి చెందిన సికాస ఆర్గనైజర్ అశోక్ లొంగిపోయే క్రమంలో పోలీసులకు పట్టుబడ్డట్లు వార్తలు వచ్చాయి. అయితే ఇప్పటివరకు పోలీసు వర్గాలు వారి అరెస్ట్ /లొంగుబాటును నిర్ధారించలేదు. దీంతో అనేక అనుమానాలు వ్యక్తం అవుతున్నాయి.
Similar News
News January 17, 2026
BCCI అబ్జర్వర్గా కృష్ణా జిల్లా క్రికెట్ అసోసియేషన్ సెక్రటరీ
ఈ నెల 21న నాగపూర్లో జరిగే ఇండియా వర్సెస్ న్యూజిలాండ్ తొలి టీ–20 మ్యాచ్కు BCCI అబ్జర్వర్గా కృష్ణా జిల్లా క్రికెట్ అసోసియేషన్ (KDCA) సెక్రటరీ ఎం. రవీంద్ర చౌదరి నియమితులయ్యారు. ఈ సందర్భంగా ఆంధ్రా క్రికెట్ అసోసియేషన్ ఆయనకు అభినందనలు తెలిపింది. గత 40 సంవత్సరాలుగా క్రికెట్కు అందిస్తున్న సేవలకు ఇది తగిన గుర్తింపుగా క్రికెట్ అభిమానులు హర్షం వ్యక్తం చేశారు.
News January 17, 2026
జనగాం: పార్టీల సమక్షంలో మున్సిపల్ రిజర్వేషన్ల ఖరారు: కలెక్టర్
రాష్ట్ర ఎన్నికల కమిషన్ మార్గదర్శకాల ప్రకారం పారదర్శకంగా మున్సిపల్ వార్డుల రిజర్వేషన్లు ఖరారు చేసినట్లు కలెక్టర్ రిజ్వాన్ బాషా షేక్ తెలిపారు. కలెక్టరేట్లో వివిధ రాజకీయ పార్టీల ప్రతినిధుల సమక్షంలో ఈ ప్రక్రియ నిర్వహించారు. అదనపు కలెక్టర్ పింకేష్ కుమార్, మున్సిపల్ కమిషనర్లతో కలిసి రిజర్వేషన్ల జాబితాను వెల్లడించారు. ఎక్కడా ఎటువంటి పొరపాట్లకు తావులేకుండా నిబంధనల మేరకే విభజన జరిగిందని స్పష్టం చేశారు.
News January 17, 2026
కామారెడ్డి జిల్లాలో మున్సిపల్ రిజర్వేషన్ల నగారా.. ఎవరికి ఏ పీఠం?
కామారెడ్డి జిల్లా మున్సిపల్ ఛైర్మన్ పీఠాల రిజర్వేషన్లు ఖరారయ్యాయి. రాష్ట్ర ఎన్నికల కమిషన్ వెల్లడించిన జాబితా ప్రకారం.. కామారెడ్డి, బాన్సువాడ మున్సిపాలిటీలు బీసీ మహిళకు రిజర్వ్ అయ్యాయి. కొత్తగా ఏర్పడిన బిచ్కుంద పీఠం బీసీ జనరల్కు, ఎల్లారెడ్డి మున్సిపాలిటీ జనరల్ కేటగిరీకి దక్కాయి. రిజర్వేషన్లు వెలువడటంతో ఆశావహులు తమ అదృష్టాన్ని పరీక్షించుకునేందుకు సిద్ధమవుతున్నారు.