News August 21, 2025

ములుగు: ఏటూరునాగారంలో రెండవ ప్రమాద హెచ్చరిక

ఏటూరునాగారం మండలం రామన్నగూడెం పుష్కర ఘాట్ వద్ద 2వ ప్రమాద హెచ్చరిక జారీ చేశామని, ప్రజలు అప్రమత్తంగా ఉండాలని కలెక్టర్ దివాకర టీఎస్ తెలిపారు. ఎలాంటి సమస్య వచ్చినా వెంటనే అధికారులకు సమాచారం ఇవ్వాలని కోరారు. జిల్లాలో 8 పునరావాస కేంద్రాలను ఏర్పాటు చేసి 75 కుటుంబాలకు చెందిన 216 మందిని తరలించామని పేర్కొన్నారు. నదీ తీర ప్రాంతాలకు వెళ్లరాదని, వరద నీటిలో ప్రయాణాలు చేయోద్దని ఆయన సూచించారు.