News March 6, 2025

వజ్రకరూరు యువరైతు రికార్డు

వజ్రకరూరు మండలం కమలపాడు గ్రామానికి చెందిన యువరైతు వంశీ అతి తక్కువ సమయంలో ఒక్కడే వేరుశనగ పంటను (చేతితో) తొలగించి అందరితో శభాష్ అనిపించుకున్నారు. బుధవారం తెల్లవారుజామున 3 గంటల నుంచి వేరుశనగ పంటను తొలగించడం మొదలుపెట్టి మధ్యాహ్నం 1గంట సమయానికి దాదాపు 1.25 ఎకరాలలో పంటను పీకేశారు. సాధారణంగా ఒక ఎకరం పంటను తొలగించడానికి దాదాపు 14 మంది కూలీల అవసరం. అలాంటిది వంశీ ఒక్కడే పంటను తొలగించడం విశేషం.