News August 15, 2024
వరంగల్: ఉప్పలయ్య హోటల్కు కేంద్ర ప్రభుత్వ అవార్డు
వరంగల్(D) నర్సంపేటలోని ఉప్పలయ్య హోటల్కు కేంద్ర ప్రభుత్వ అవార్డు లభించింది. గత ముప్పై ఏళ్లుగా నడుస్తున్న ఈ హోటల్లో 2 నెలల క్రితం మినిస్ట్రీ ఆఫ్ స్టాటిస్టిక్స్ ప్రోగ్రాం ఇంప్లిమెంటేషన్ సభ్యులు భోజనం చేశారు. బాగుందని మెచ్చుకొని అభినందించి వెళ్లిపోయారు. అయితే అందరూ చెప్పినట్టే చెప్పారనుకున్నారు.. కానీ ఆగస్టు 12న మళ్లీ వచ్చి హోటల్లో ఇదే నాణ్యత కొనసాగించాలంటూ కేంద్ర ప్రభుత్వ అవార్డును అందించారు.
Similar News
News September 18, 2024
MHBD: పెళ్లి కావట్లేదని యువతి మృతి
పెళ్లి కావట్లేదని మనస్తాపానికి గురై యువతి ఆత్మహత్య చేసుకున్న ఘటన MHBD జిల్లాలో జరిగింది. డోర్నకల్ ASI కోటేశ్వర రావు తెలిపిన వివరాలు.. డోర్నకల్ మండలం తోడేళ్లగూడేనికి చెందిన కళ్యాణి(21) ఏడాది క్రితం డిగ్రీ పూర్తి చేసి ఇంటి వద్దనే ఖాళీగా ఉంటోంది. ఈ క్రమంలో కళ్యాణికి కొంతకాలంగా పెళ్లి సంబంధాలు చూస్తుండగా.. వివిధ కారణాలతో కుదరట్లేదు. దీంతో మనస్తాపానికి గురై ఎలుకమందు తిని ఆత్మహత్య చేసుకుంది.
News September 18, 2024
రివ్యూ మీటింగ్ నిర్వహించిన మంత్రి కొండా సురేఖ
రాష్టంలోని పలు దేవాలయాల అభివృద్ధి, సౌకర్యాల కల్పన, తదితర అంశాలపై సెక్రటేరియట్లో రాష్ట్ర దేవాదాయ శాఖ మంత్రి కొండా సురేఖ సమీక్ష నిర్వహించారు. ఈ కార్యక్రమంలో దేవాదాయ శాఖ ముఖ్య కార్యదర్శి శైలజా రామయ్యర్, కమిషనర్ హన్మంత రావు, వైటిడిఎ వైస్ చైర్మన్ కిషన్ రావు, పలువురు అధికారులు, తదితరులు పాల్గొన్నారు.
News September 18, 2024
భద్రకాళి అమ్మవారిని దర్శించుకున్న మెదక్ ఎంపీ
వరంగల్ జిల్లా కేంద్రంలోని ప్రముఖ పుణ్యక్షేత్రం భద్రకాళి అమ్మవారిని మెదక్ ఎంపీ రఘునందన్ రావు దర్శించుకొని ప్రత్యేక పూజలు నిర్వహించారు. ఆలయానికి విచ్చేసిన ఎంపీకి అర్చకులు స్వాగతం పలికి ఆశీర్వచనాలు, తీర్థ ప్రసాదాలు అందజేశారు. వరంగల్ జిల్లా కేంద్రానికి విచ్చేసిన మెదక్ ఎంపీకి స్థానిక బీజేపీ నేతలు ఘన స్వాగతం పలికారు.