News August 11, 2025
వరంగల్: ‘భూభారతి’ మాడ్యూల్లో లేనివే ఎక్కువ..!
ఉమ్మడి జిల్లాలో 1,378 రెవెన్యూ సదస్సులు నిర్వహించగా 2,27,961 భూభారతి దరఖాస్తులను రైతులు అందజేశారు. వరంగల్లో 54,933, BHPL 48,651, MHBD 39,419, జనగామ 17,867, HNK 34,973, ములుగులో 31,118 దరఖాస్తులు వచ్చాయి. సాదాబైనామాలు,మిస్సింగ్ సర్వే నంబర్లు, ప్రొహిబిటెడ్ జాబితా నుంచి తొలగింపు వంటి సమస్యలను పరిష్కరించాలని ప్రజలు కోరారు. వీటిలో ఎక్కువ దరఖాస్తులు భూభారతి మాడ్యూల్ పరిధిలో లేనట్లు అధికారులు తెలిపారు.
Similar News
News March 15, 2026
సీక్రెట్గా పెళ్లి చేసుకున్న RCB క్రికెటర్!
RCB కీలక బౌలర్ యశ్ దయాల్ సీక్రెట్గా పెళ్లి చేసుకున్నట్లు సమాచారం. ఫిబ్రవరి 4న కంటెంట్ క్రియేటర్ శ్వేతా పుండీర్తో వివాహం జరిగినట్లు తాజాగా క్రీడా వర్గాలు తెలిపాయి. కుటుంబ సభ్యులు, సన్నిహితుల మధ్యే అతడికి పెళ్లి జరిగినట్లు తెలుస్తోంది. మైనర్పై లైంగిక దాడికి పాల్పడినట్లు అతడిపై కేసు ఉన్న విషయం తెలిసిందే. రాజస్థాన్ హైకోర్టు యశ్కు అరెస్ట్ నుంచి రక్షణ కల్పించింది.
News March 15, 2026
దీదీ వర్సెస్ మోదీ.. బెంగాల్లో దంగల్
బెంగాల్లో APR 23, 29న అసెంబ్లీ ఎన్నికలు జరగనున్నాయి. దేశంలో కాషాయాన్ని విస్తరిస్తున్న BJP బెంగాల్లోనూ పాగా వేయాలని ఉవ్విళ్లూరుతోంది. మోదీ స్వయంగా ఆ రాష్ట్రంలో పర్యటిస్తూ ఓటర్లను ఆకర్షిస్తున్నారు. మరోవైపు TMC చీఫ్ మమతా బెనర్జీ(దీదీ) మరోసారి అధికారాన్ని కాపాడుకునేందుకు కష్టపడుతున్నారు. రాష్ట్రంలో కమలం వికసించకుండా చేయాలని వ్యూహాలు రచిస్తున్నారు. దీంతో బెంగాల్లో దంగల్ ఫైట్ రసవత్తరంగా మారింది.
News March 15, 2026
వనపర్తి: ఎస్సీ కార్పొరేషన్లో సబ్సిడీ రుణాలకు దరఖాస్తులు
ఎస్సీ కార్పొరేషన్ ద్వారా ప్రభుత్వం అందిస్తున్న సబ్సిడీ రుణాలను లబ్ధిదారులు సద్వినియోగం చేసుకోవాలని వనపర్తి జిల్లా కలెక్టర్ ఆదర్శ్ సురభి, ఎస్సీ కార్పొరేషన్ ఈడీ సిరాజుద్దీన్ అహ్మద్ ఆదివారం ఒక ప్రకటనలో తెలిపారు. ఈ నెల 17 నుంచి 24 వరకు http://obmms.cgg.gov.inలో నమోదు చేసుకోవాలన్నారు. వ్యవసాయేతర పథకాలకు 21-50 ఏళ్లు,వ్యవసాయ పథకాలకు 21-60 ఏళ్లు,శిక్షణా పథకాలకు 18-45 ఏళ్ల లోపు వారు అర్హులన్నారు.