News August 23, 2025
వరదల వేళ.. ప్రత్యేక వైద్య ప్రణాళిక: భద్రాద్రి DMHO
వరదల కారణంగా ఎటువంటి ఆరోగ్య సమస్యలు తలెత్తకుండా ప్రజలను సురక్షితంగా ఉంచేందుకు ప్రత్యేక వైద్య ప్రణాళికను రూపొందించినట్లు DMHO జయలక్ష్మి తెలిపారు. వరద ముంపు ప్రాంతాలలో గర్భిణులను ముందుగానే సురక్షిత ప్రాంతాలకు తరలించినట్లు వెల్లడించారు. మిగతా వారిని ఆశావర్కర్లు, ANMలు నిరంతరం పర్యవేక్షిస్తున్నారన్నారు. వర్షాకాలం పూర్తయ్యే వరకు ప్రత్యేక వైద్య బృందాలు, అంబులెన్స్ సిబ్బంది పూర్తి సన్నద్ధంగా ఉంటారన్నారు.
Similar News
News January 15, 2026
ఖమ్మం: మిస్సింగ్ యువకుడు సేఫ్
ఖమ్మంలోని ప్రకాష్ నగర్కు చెందిన సాఫ్ట్వేర్ ఉద్యోగి దిలీప్ కుమార్ అదృశ్యం సుఖాంతమైంది.‘వే2న్యూస్’లో వచ్చిన వార్తకు స్పందించిన నేషనల్ హైవే అథారిటీ అధికారులు, స్థానికులు దిలీప్ ఆచూకీని గుర్తించి పోలీసులకు సమాచారం అందించారు. త్రీ టౌన్ పోలీసులు బాధితుడిని తల్లిదండ్రులకు అప్పగించారు. కుమారుడిని సురక్షితంగా అప్పగించడంలో సహకరించిన వే2న్యూస్, అధికారులకు దిలీప్ తల్లిదండ్రులు కృతజ్ఞతలు తెలిపారు.
News January 15, 2026
శ్రీకాళహస్తిలో గిరిప్రదక్షిణకు ముందు ఏం చేస్తారంటే..?
శ్రీకాళహస్తీశ్వర దేవస్థానం తరఫున సద్యోమూర్తి పల్లకిసేవ ఉత్సవం గురువారం ఘనంగా జరిగింది. స్వామి, అమ్మవార్ల గిరి ప్రదక్షిణ కార్యక్రమం శుక్రవారం నిర్వహించారు. ఇందులో భాగంగా ముందు రోజున సద్యోమూర్తి పల్లకి సేవ ఉత్సవం నిర్వహించడం ఆనవాయితీగా వస్తోంది. ఫిబ్రవరి నెలలో జరగబోవు మహాశివరాత్రి బ్రహ్మోత్సవాలకు కైలాసగిరి పర్వతాలపై ఉన్న ముక్కోటి దేవతలను ఆహ్వానించేందుకు స్వామి, అమ్మవార్ల గిరిప్రదక్షిణ జరుగుతుంది.
News January 15, 2026
వికారాబాద్: అంగన్వాడీల్లో ఇన్ని ఖాళీ పోస్టులా?
VKB జిల్లాలోని అంగన్వాడీ కేంద్రాల్లో ఆయా, టీచర్ల కొరత వేధిస్తోంది. కొడంగల్ ప్రాజెక్టులో 234 కేంద్రాలు ఉండగా.. 73 ఆయా, 14 టీచర్ పోస్టులు ఖాళీగా ఉన్నాయి. మర్పల్లి 148 కేంద్రాలు ఉండగా.. 41 ఆయా, 30 టీచర్ పోస్టులు ఖాళీగా ఉన్నాయి. పరిగి ప్రాజెక్టులో 235 కేంద్రాలు ఉండగా.. 112 ఆయా, 21 టీచర్ పోస్టులు ఖాళీగా ఉన్నాయి. వికారాబాద్ ప్రాజెక్టులో 233 కేంద్రాలు ఉండగా.. 82 ఆయా, 18 టీచర్ పోస్టులు ఖాళీగా ఉన్నాయి.