News December 2, 2025
శబరి వెళ్లిన ప్రతి ఒక్కరూ 18 మెట్లు ఎక్కవచ్చా?
శబరిమలలో 18 పవిత్ర మెట్లను ముక్తికి సోపానాలుగా భావిస్తారు. ఇవి మనలోని 18 పాపపుణ్యాలు, విద్య, ఇంద్రియాలను సూచిస్తాయని నమ్మకం. వీటిని మండల కాల దీక్షా వ్రతం పూర్తిచేసినవారు మాత్రమే ఇరుముడి ధరించి, ‘స్వామియే శరణమయ్యప్ప’ అంటూ అధిరోహిస్తారు. దీక్ష ధరించకుండా, ఇరుముడి లేకుండా వచ్చిన భక్తులు ఈ మెట్లకు ప్రక్కన ఉన్న సాధారణ మెట్ల మార్గం గుండా వెళ్లి స్వామివారిని దర్శించుకోవాల్సి ఉంటుంది. <<-se>>#AyyappaMala<<>>
Similar News
News February 17, 2026
అల్లు అర్జున్కు క్షమాపణలు చెప్పిన బ్రాండ్ స్ట్రాటజిస్ట్ కావేరి
అల్లు అర్జున్ను కలవాలంటే <<19101939>>42 రూల్స్<<>> పాటించాలని తాను చేసిన వ్యాఖ్యలపై బ్రాండ్ స్ట్రాటజిస్ట్ కావేరీ బారువా సారీ చెప్పారు. ‘పాడ్కాస్ట్లో మాట్లాడుతుండగా ఫ్లోలో ఆ వ్యాఖ్యలు చేశా. అందులో నిజం లేదు. “42 డూస్, డోంట్స్” డాక్యుమెంట్ అబద్ధం. నాకు ఎవరూ ఇవ్వలేదు’ అని బహిరంగ లేఖలో స్పష్టం చేశారు. ఆ పాడ్కాస్ట్ హోస్ట్ స్వీకృతి కూడా పబ్లిక్గా అపాలజీ చెప్పారు. కాగా అంతకుముందు ఈ ఆరోపణలను బన్నీ టీమ్ <<19103408>>ఖండించింది<<>>.
News February 17, 2026
అసెంబ్లీలో మూగబోయిన మైకులు
AP: అసెంబ్లీ మైకుల్లో సాంకేతిక సమస్య తలెత్తింది. దీంతో రెండు సభల్లో గంటకు పైగా అంతరాయం ఏర్పడింది. ఉదయం యథావిధిగా 9 గంటలకు అసెంబ్లీ ప్రారంభం కాగా, సభ్యుల స్థానాల్లోని మైకులు పనిచేయలేదు. స్పీకర్ గంటపాటు సభను వాయిదా వేశారు. తర్వాత సమస్యను టెక్నీషియన్లు పరిష్కరించగా ఉ.11:30 గంటల నుంచి సభ తిరిగి ప్రారంభమైంది. శాసన మండలి కూడా ఉ.11 గంటలకు ప్రారంభమైంది. సమస్య తలెత్తడంపై స్పీకర్ ఆగ్రహం వ్యక్తం చేశారు.
News February 17, 2026
మగువల ఆరోగ్యానికి మెంతిఆకు
మెంతి కూరను తరచూ ఆహారంలో భాగం చేసుకోవడం వల్ల మహిళలకు ఎన్నో లాభాలున్నాయంటున్నారు నిపుణులు. వీటిలో ఐరన్ ఎక్కువగా ఉండటం వల్ల అనీమియా రాకుండా ఉంటుంది. అలాగే క్యాలరీలు కూడా తక్కువ కాబట్టి వెయిట్లాస్కు దోహదపడతాయి. జీర్ణవ్యవస్థను ఆరోగ్యంగా ఉంచుతాయి. బాలింతలు తింటే పాల ఉత్పత్తి పెరుగుతుంది. మెనోపాజ్, చర్మ సమస్యలను తగ్గిస్తాయి. ఈ ఆకుల్లో విటమిన్ సి, ఎ లతోపాటు బీటా కెరొటిన్ సమృద్ధిగా ఉంటుంది.