News November 29, 2025
అన్నమయ్య: నకిలీ మద్యం కేసు.. ‘మేము విచారణకు సిద్ధం’
నకిలీ మద్యం కేసులో తమకు ఎలాంటి సంబంధం లేదని తంబళ్లపల్లె(M)కన్నెమడుగుకు చెందిన రామకృష్ణ రెడ్డి,రవిశంకర్ రెడ్డి(బాబు బ్రదర్స్) చెప్పారు. కేసులకు బయపడి తాము పారిపోయామని SMలో చేస్తున్న ప్రచారాలు దుష్ప్రచారాలన్నారు. తప్పుచేసిన వారే పరారీలో ఉన్నారని..తాము కన్నెమడుగులోనే ఉన్నామన్నారు. ఎలాంటి విచారణకైనా సిద్ధమన్నారు.
Similar News
News November 29, 2025
PHOTO: సిద్ద-శివ బ్రేక్‌ఫాస్ట్ మీట్
కర్ణాటకలో సీఎం మార్పు ప్రచారం వేళ సిద్దరామయ్య, డీకే శివకుమార్ కలిసి బ్రేక్‌ఫాస్ట్ చేశారు. సిద్ద ఆహ్వానం మేరకు శివకుమార్ ఆయన నివాసానికి వెళ్లారు. సీఎం, డిప్యూటీ సీఎం ఏం మాట్లాడుకున్నారనేది తెలియాల్సి ఉంది. సీఎం కుర్చీపై వారిద్దరే తేల్చుకోవాలంటూ కాంగ్రెస్ అధిష్ఠానం స్పష్టం చేసింది. దీంతో ఈ భేటీ ప్రాధాన్యం సంతరించుకుంది. కుర్చీ వదులుకోవడానికి సిద్ద అంగీకరిస్తారా? లేదా అన్నది ఉత్కంఠగా మారింది.
News November 29, 2025
కడప: పదో తరగతి విద్యార్థులకు గుడ్ న్యూస్
కడప జిల్లాలోని అన్ని పాఠశాలల విద్యార్థులు పదో తరగతి పరీక్ష ఫీజు చెల్లించేందుకు గడువును డిసెంబరు 6 వరకు పొడిగించారు. ఎటువంటి ఆలస్య రుసుం లేకుండా ఈ తేదీలోపు ఫీజు చెల్లించవచ్చని డీఈవో షంషుద్దీన్ శుక్రవారం ఒక ప్రకటనలో తెలిపారు. మరిన్ని వివరాలకు bse.ap.gov.in వెబ్‌సైట్‌ను సందర్శించాలి. సమస్యలుంటే 80964 57660 నంబర్‌కు ఫోన్ చేసి నివృత్తి చేసుకోవచ్చని ఆయన సూచించారు.
News November 29, 2025
NZB: లంచంలోనూ DISCOUNT..?
ఉమ్మడి జిల్లాలో ప్రభుత్వ అధికారులు లంచాలకు కక్కుర్తి పడుతున్నారు. ఇటీవల NZB మున్సిపల్ కార్యాలయంలో 2 సార్లు, డీఈఓ కార్యాలయంలో ACB దాడులు జరిగాయి. ఆర్మూర్ మున్సిపల్ కమిషనర్ రాజు లంచం తీసుకుంటుండగా ACB అధికారులు పట్టుకున్నారు. మద్నూర్ చెక్ పోస్టు వద్ద పలుమార్లు దాడులు చేశారు. అయినా ప్రభుత్వ అధికారుల్లో మార్పు రావడం లేదు. లంచంలోనూ డిస్కౌంట్ ఇస్తున్నట్లు పలువురు ఆరోపిస్తున్నారు.