News November 27, 2025
అమరావతిలో ఏర్పాటు కానున్న కాస్మోస్ ప్లానిటోరియం
ఇండియన్ ఇన్‌స్టిట్యూట్ ఆఫ్ ఆస్ట్రోఫిజిక్స్ అమరావతిలో ప్లానిటోరియం ఏర్పాటు చేయనుంది. రాజధానిలో కాస్మోస్ ప్లానిటోరియం ఏర్పాటుకై CRDA అధికారులతో ఇండియన్ ఇన్‌స్టిట్యూట్ ఆఫ్ ఆస్ట్రోఫిజిక్స్ ఎంఓయూ చేసుకోనుంది. ఈ నెల 28న అమరావతిలో బ్యాంకుల ప్రధాన కార్యాలయాల నిర్మాణ పనుల శంకుస్థాపన జరగనున్న సందర్భంగా ఈ ఎంఓయూ జరగనున్నట్లు CRDA కమిషనర్ కె. కన్నబాబు ఐఏఎస్ ఓ ప్రకటన విడుదల చేశారు.
Similar News
News November 29, 2025
శ్రీవారి వైకుంఠ ద్వార దర్శనానికి రికార్డు రిజిస్ట్రేషన్లు
తిరుమల శ్రీవారి వైకుంఠ ద్వార దర్శనాలకు రికార్డు స్థాయిలో భక్తుల పేర్లు నమోదు చేసుకున్నారు. గడిచిన 48 గంటల్లో ఈ-డిప్‌లో టోకెన్లు పొందేందుకు 7.7 లక్షల రిజిస్ట్రేషన్ల ద్వారా 19.5 లక్షల మంది భక్తులు నమోదు చేసుకున్నట్లు TTD వర్గాలు తెలిపాయి. డిసెంబర్ 1న సాయంత్రం 5 గంటల వరకు రిజిస్ట్రేషన్లు కొనసాగనున్నాయి. డిసెంబర్ 2న టోకెన్లు పొందిన వారి మొబైల్‌కు మెసేజ్ పంపిస్తారు.
News November 29, 2025
వేరుశనగ పంటలో కలుపు నివారణ ఎలా?
వేరుశనగలో కలుపు నివారణకు విత్తనం విత్తిన 24-48 గంటల్లోపు 12.4 గ్రా. డైక్లోసులామ్ 84% W.D.G మందును ఎకరానికి 200 లీటర్ల నీటిలో కలిపి పిచికారి చేయాలి. దీని వల్ల 30 రోజుల వరకు దాదాపు అన్ని రకాల కలుపు మొక్కలను సమర్థవంతంగా నివారించవచ్చు. విత్తిన 25-35 రోజల సమయంలో గొర్రుతో అంతరకృషి చేసి మొక్క మొదళ్లకు మట్టిని ఎగదోయడం వల్ల కలుపును నిర్మూలించడంతో పాటు మట్టిలోకి వేరుశనగ ఊడలు దిగడానికి అవకాశం ఏర్పడుతుంది.
News November 29, 2025
పెద్దపల్లి: అమరవీరుల స్థూపం వద్ద కొప్పుల ఈశ్వర్ నివాళులు
పెద్దపల్లి జిల్లా బస్టాండ్‌ ఆవరణలోని తెలంగాణ అమరవీరుల స్థూపం వద్ద ‘దీక్షా దివస్’ సందర్భంగా మాజీ మంత్రి కొప్పుల ఈశ్వర్ నివాళులర్పించారు. ఈ కార్యక్రమంలో మాజీ ఎమ్మెల్యేలు దాసరి మనోహర్ రెడ్డి, కోరుకంటి చందర్, పుట్ట మధుకర్ సహా బీఆర్‌ఎస్‌ జిల్లా అధ్యక్షులు, పార్టీ శ్రేణులు పాల్గొన్నారు. తెలంగాణ సిద్ధికై ప్రాణాలర్పించిన అమరుల త్యాగాలను స్మరించుకుంటూ వీరంతా ఘనంగా నివాళులు అర్పించారు.