News November 27, 2025
ఇకనుంచి జలమండలిలో వాటర్ ఆడిట్‌: ఎండీ
ఖైరతాబాద్‌లోని జలమండలి ప్రధాన కార్యాలయంలో ఎండీ అశోక్ రెడ్డి వాటర్ ఆడిట్‌పై సమీక్షా సమావేశం నిర్వహించారు. ఆయన మాట్లాడుతూ.. జలమండలిలో వాటర్ ఆడిట్‌ను ప్రారంభించామన్నారు. నీటి శుద్ధి కేంద్రాలు, ట్రాన్స్‌మిషన్‌లైన్లు, రిజర్వాయర్ల పర్యవేక్షించడానికి రూపొందించిన ఈ టెక్నాలజీని ఇప్పటికే ఉన్న స్కాడా ఇంటిగ్రేషన్ చేయడానికి సాధ్యాసాధ్యాలను అధ్యయనం చేయాలని ఆదేశించారు.
Similar News
News November 29, 2025
బొల్లారంలో ఈ సందడి ఇక రెండు రోజులు మాత్రమే
భారతీయ కళా మహోత్సవ్ పేరిట బొల్లారంలోని రాష్ట్రపతి నిలయంలో నిర్వహిస్తున్న వేడుకలకు నగర వాసుల నుంచి అనూహ్య స్పందన లభిస్తోంది. కళామహోత్సవాన్ని సందర్శించడంతో పాటు అక్కడ ఏర్పాటు చేసిన వివిధ స్టాల్స్‌లో దాదాపు రూ.2కోట్ల విలువైన వస్తువులను కొనుగోలు చేశారు. ఈ ఉత్సవం రేపటితో ముగియనుంది. ఇప్పటి వరకు దాదాపు లక్ష మంది వచ్చారని నిర్వాహకులు తెలిపారు.
News November 29, 2025
HYD: డిసెంబర్ 2న కొత్త అధ్యక్షుల ప్రమాణ స్వీకారం
టీపీసీసీ ఇటీవల ఎంపిక చేసిన కాంగ్రెస్ పార్టీ కొత్త జిల్లా అధ్యక్షుల ప్రమాణ స్వీకారం వచ్చేనెల 2న (మంగళవారం) నిర్వహించేందుకు గాంధీ భవన్‌లో ఏర్పాట్లు జరుగుతున్నాయి. ఈ నేపథ్యంలో ప్రమాణ స్వీకారోత్సవానికి హాజరుకావాలని టీపీసీసీ చీఫ్ మహేష్ కుమార్ గౌడ్ సీఎం రేవంత్ రెడ్డిని ఆహ్వానించారు. ఇదిలా ఉండగా డీసీసీ అధ్యక్షుల ఎంపికలో కొందరు మంత్రులు అసంతృప్తి వ్యక్తం చేసిన విషయంపై రేవంత్ ఆరా తీసినట్లు సమాచారం.
News November 29, 2025
HYD: 10 నుంచి 12 జోన్లు ఏర్పడే అవకాశం.!
HYD శివార్లలోని మున్సిపాలిటీల విలీనంతో GHMCలో ఎన్ని జోన్లు, ఎన్ని వార్డులు, ఎన్ని సర్కిళ్లు? అవుతాయన్నది చర్చనీయాంశంగా మారింది. వార్డుకు సగటున జనాభా, ఓటర్లను నిర్ణయించి పునర్వ్యవస్థీకరించనున్నట్లు అధికారులు చెబుతున్నారు. అసెంబ్లీ, పార్లమెంట్ స్థానాల సరిహద్దుల్ని సైతం పరిగణలోకి తీసుకొని జోన్లు, వార్డులు ఏర్పాటు కానున్నాయి. ఈ నేపథ్యంలో GHMCలో 10 నుంచి 12 జోన్లు అయ్యే అవకాశం ఉన్నట్లు తెలుస్తోంది.