News November 29, 2025
ఉరవకొండ పేరు చరిత్ర తెలుసా?
ఉరవకొండ పేరు వినగానే మొదట గుర్తొచ్చేది కొండ. పట్టణం మధ్యలో ఉన్న ఈ కొండకు ఘన చరిత్ర ఉంది. పాముపడగ ఆకారంలో కొండ ఉండటంతో పూర్వం పట్టణాన్ని ఉరగాద్రి అని పిలిచే వారట. సంస్కృతంలో ఉరగ అంటే పాము, అద్రి అంటే కొండ అని అర్థం. కాలక్రమేణా ఉరవకొండగా మారిందని చరిత్ర చెబుతోంది. పట్టణం కొండ చుట్టూ అభివృద్ధి చెందుతుండటం విశేషం. ఉరవకొండలో ప్రసిద్ధి చెందిన కరిబసవ స్వామి మఠం, పిరమిడ్ ధ్యాన కేంద్రం ఉన్నాయి.
Similar News
News November 29, 2025
పాలమూరులో 550 పంచాయతీలకు నేడే కీలక గడువు
ఉమ్మడి పాలమూరు జిల్లా పరిధిలోని ఐదు జిల్లాల్లోని తొలి విడతలో 550 గ్రామ పంచాయతీలకు ఎన్నికలు జరగనున్నాయి. 550 సర్పంచ్‌, 4,840 వార్డు స్థానాలకు పోలింగ్‌ నిర్వహించనున్నారు. నిన్న (శుక్రవారం) అష్టమి కావడంతో నామినేషన్లు తక్కువగా దాఖలయ్యాయి. నేటి సా.5 గంటల వరకు నామినేషన్ల దాఖలుకు తుది గడువు ఉంది. DEC 11న ఉ.7 నుంచి మ.1 గంట వరకు పోలింగ్‌ జరుగగా, మ.2 గంటల నుంచి ఫలితాలు విడుదల చేస్తారని అధికారులు తెలిపారు.
News November 29, 2025
వరంగల్: వీసీ సరే, మరీ వీరి సంగతేందీ?
కాళోజీ హెల్త్ యూనివర్సిటీ VC నందకుమార్ రెడ్డి రాజీనామాతో అక్రమాలకు బ్రేకులు పడేలా లేవు. అక్రమార్కులకు పునరావాస కేంద్రంగా మారిన యూనివర్సిటీని ప్రక్షాళన చేయాల్సిందేనని CM రేవంత్ ఆగ్రహం వ్యక్తం చేసినట్లు సమాచారం. యూనివర్సిటీకి రూ.700 కోట్లకు పైగా నిధులుండటంతో అక్రమార్కులు ఆదాయ వనురుగా మార్చుకున్నారని ఇంటెలిజెన్సు సైతం నివేదికను అందించారు. డిప్యూటేషన్లపై వచ్చిన వారికి ఉద్వాసన పలకాలని నిర్ణయించారట.
News November 29, 2025
PHOTO: సిద్ద-శివ బ్రేక్‌ఫాస్ట్ మీట్
కర్ణాటకలో సీఎం మార్పు ప్రచారం వేళ సిద్దరామయ్య, డీకే శివకుమార్ కలిసి బ్రేక్‌ఫాస్ట్ చేశారు. సిద్ద ఆహ్వానం మేరకు శివకుమార్ ఆయన నివాసానికి వెళ్లారు. సీఎం, డిప్యూటీ సీఎం ఏం మాట్లాడుకున్నారనేది తెలియాల్సి ఉంది. సీఎం కుర్చీపై వారిద్దరే తేల్చుకోవాలంటూ కాంగ్రెస్ అధిష్ఠానం స్పష్టం చేసింది. దీంతో ఈ భేటీ ప్రాధాన్యం సంతరించుకుంది. కుర్చీ వదులుకోవడానికి సిద్ద అంగీకరిస్తారా? లేదా అన్నది ఉత్కంఠగా మారింది.