News November 27, 2025
కడప: హౌసింగ్ అక్రమాల్లో చిన్న ఉద్యోగులు బలి.!
గత ప్రభుత్వంలో జిల్లాలో జరిగిన ఇళ్ల నిర్మాణాల్లో కింది స్థాయి ఉద్యోగులను మాత్రమే బలి చేశారనే విమర్శలు వినిపిస్తున్నాయి. జిల్లాలో 6298 ఇళ్ల నిర్మాణాల అక్రమాలపై 201 మంది సచివాలయ, మండల స్థాయి ఉద్యోగులకు జీతాలు నిలిపి వేశారు. బిల్లుల చెల్లింపులో DEE, EE, PD, SE, CE, MD స్థాయిలో ప్రతిచోట పరిశీలన జరుగుతోంది. నిర్మాణాలు పరిశీలించకుండానే అధికారులు ఏవిధంగా చెల్లింపులు చేశారనే అనుమానాలు వ్యక్తమవుతున్నాయి.
Similar News
News November 29, 2025
జమ్మలమడుగు: RTC ఆధ్వర్యంలో శబరిమలకు.!
జమ్మలమడుగు నుంచి అయ్యప్పస్వామి భక్తుల సౌకర్యార్థం శబరిమలకు స్పెషల్ బస్సులు నడుపుతున్నట్లు ఆర్టీసీ డిపో మేనేజర్ సుబ్బమ్మ తెలిపారు. అయ్యప్పస్వామి భక్తులకు APS-RTC వారు సువర్ణావకాశం కల్పిస్తున్నామన్నారు. ఇంద్ర AC, అల్ట్రాటెక్, సూపర్ లగ్జరీ, ఎక్స్ప్రెస్ బస్సులు బుకింగ్ చేసిన గురు స్వాములకు రూ.2వేలు. కమిషన్‌లో 7 మందికి ఉచిత ప్రయాణ సౌకర్యం ఇస్తామన్నారు. పూర్తి వివరాలకు 9959225778కు కాల్ చేయాలన్నారు.
News November 29, 2025
ప్రొద్దుటూరు: పెరిగిన బంగారు, వెండి ధరలు
ప్రొద్దుటూరు బులియన్ మార్కెట్లో శనివారం బంగారు, వెండి ధరలు పెరిగాయి.
* బంగారు 24 క్యారెక్టర్ ఒక గ్రాము ధర రూ.12,700
* బంగారు 22 క్యారెక్టర్ ఒక గ్రాము ధర రూ.11,684
* వెండి 10 గ్రాములు ధర రూ.1,730.
శుక్రవారం బంగారు 24 క్యారెక్టర్ ఒక గ్రాము ధర రూ.12,590 ఉండగా, నేడు రూ.12,700, 22 క్యారెక్టర్ ఒక గ్రాము ధర రూ.11,583 ఉండగా, నేడు రూ.11,684, వెండి 10 గ్రాములు ధర రూ.1,680, నేడు రూ.1,730కు పెరిగింది.
News November 29, 2025
కువైట్‌లో కడప జిల్లా వాసి మృతి.!
పోరుమామిళ్ల మండలం పెద్ద ఎర్రసాలకి చెందిన సూరే సుబ్బయ్య ఉపాధి నిమిత్తం కువైట్ వెళ్లారు. గత కొన్ని సంవత్సరాల నుంచి అక్కడే ఉపాధి పనులు చేసుకుంటూ జీవనం సాగిస్తున్నారు. కాగా శుక్రవారం రాత్రి గుండెపోటుతో మృతి చెందినట్లు కుటుంబసభ్యులు తెలిపారు. మృతుడికి భార్య, ఇద్దరు కుమారులు ఉన్నారు. మృతదేహాన్ని స్వగ్రామానికి తీసుకువచ్చేందుకు కుటుంబ సభ్యులు ప్రయత్నాలు చేస్తున్నారు.