News November 29, 2025
‘కరీంనగర్‌లో బసవతారకం క్యాన్సర్ ఆసుపత్రి ఏర్పాటుచేయండి’
సినీ హీరో నందమూరి బాలకృష్ణను వేములవాడ అభిమానులు హింగే కుమార్, చైతన్య, సగ్గు శ్రీనివాస్, హింగే శ్రీనాథ్ తదితరులు శనివారం హైదరాబాద్‌లో మర్యాదపూర్వకంగా కలిశారు. అఖండ – 2 విజయం సాధించాలని ఆకాంక్షిస్తూ శ్రీ రాజరాజేశ్వర స్వామి వారి చిత్రపటం, ప్రసాదాన్ని బాలకృష్ణకు అందజేశారు. ఉత్తర తెలంగాణ ప్రజల కోసం కరీంనగర్‌లో బసవతారకం క్యాన్సర్ ఆసుపత్రి ఏర్పాటుచేసి ఈ ప్రాంత ప్రజలకు వైద్య సేవలు అందించాలని కోరారు.
Similar News
News November 29, 2025
బధిరుల క్రీడల్లో విద్యార్థుల ప్రతిభ
వరంగల్, హనుమకొండ జిల్లాల అంతర్జాతీయ దివ్యాంగుల దినోత్సవం-2025 సందర్భంగా జరిగిన జిల్లా స్థాయి క్రీడా పోటీలలో శ్రీ వేంకటేశ్వర బధిరుల ఉన్నత పాఠశాల విద్యార్థులు విజయం సాధించారు. షాట్ పుట్, జావెలిన్ త్రో, రన్నింగ్ పోటీలలో మొత్తం 15 మంది విద్యార్థులు గెలుపొందారు. ప్రిన్సిపాల్ జె. లక్ష్మీ నర్సమ్మ విద్యార్థులను, పీఈటీ జ్యోత్స్నను అభినందించారు.
News November 29, 2025
జనగామ: సమయపాలన పాటించని పల్లె దవాఖానాలు!
గ్రామీణ ప్రజలకు వైద్య సేవలు అందించేందుకు ప్రభుత్వం ఏర్పాటు చేసిన పల్లె దవాఖానాలలో సమయపాలన కొరవడింది. ఉదయం నుంచి సాయంత్రం వరకు విధులు నిర్వర్తించాల్సి ఉన్నా, గానుగుపహడ్, వడ్లకొండ గ్రామాల్లోని దవాఖానాలు మధ్యాహ్నం సమయంలోనే తాళాలు వేసి వెళ్తున్నారనే ఆరోపణలు వస్తున్నాయి. దీనివల్ల రోగులకు ఇబ్బందులు తప్పడం లేదు.
News November 29, 2025
నన్ను చిన్న చూపు చూస్తున్నారు: తిరుపతి జిల్లా MLA
తిరుపతి కలెక్టరేట్‌లో శనివారం జరిగిన విజిలెన్స్ అండ్ మానిటరింగ్ కమిటీ సమావేశంలో అధికారులపై సత్యవేడు MLA ఆదిమూలం ఫైరయ్యారు. తాను దళితుడు కావడంతో చిన్న చూపు చూస్తున్నారని ఆవేదన వ్యక్తం చేశారు. తహశీల్దార్లు, పోలీసు అధికారులు కనీసం తన మాటకు విలువ ఇవ్వడం లేదన్నారు. పార్టీ నేతకు ఎందుకు ప్రోటోకాల్ ఇస్తున్నారని ప్రశ్నించారు. సీఎం వద్దే అసలు విషయం తేల్చుకుంటానంటూ ఆయన సమావేశాన్ని బాయ్‌కాట్ చేశారు.