News November 28, 2025
కాళోజీ హెల్త్ యూనివర్సిటీ అక్రమాలపై విచారణ జరపాలి: హరీశ్ రావు
వరంగల్‌లోని కాళోజీ హెల్త్ యూనివర్సిటీలో చోటు చేసుకున్న అక్రమాలపై విచారణ జరపాలని డిమాండ్ చేస్తూ రాష్ట్ర గవర్నర్ జిష్ణు దేవ్ వర్మకి మాజీ మంత్రి హరీశ్ రావు ఫిర్యాదు చేశారు. ప్రాణాలు కాపాడే వృత్తిలో అక్రమ మార్కులతో పాసై ప్రాణాలతో చెలగాటం ఆడే వారిపై, సహకరించిన వారిపై చర్యలు తీసుకోవాలని డిమాండ్ చేశారు.
Similar News
News November 29, 2025
బధిరుల క్రీడల్లో విద్యార్థుల ప్రతిభ
వరంగల్, హనుమకొండ జిల్లాల అంతర్జాతీయ దివ్యాంగుల దినోత్సవం-2025 సందర్భంగా జరిగిన జిల్లా స్థాయి క్రీడా పోటీలలో శ్రీ వేంకటేశ్వర బధిరుల ఉన్నత పాఠశాల విద్యార్థులు విజయం సాధించారు. షాట్ పుట్, జావెలిన్ త్రో, రన్నింగ్ పోటీలలో మొత్తం 15 మంది విద్యార్థులు గెలుపొందారు. ప్రిన్సిపాల్ జె. లక్ష్మీ నర్సమ్మ విద్యార్థులను, పీఈటీ జ్యోత్స్నను అభినందించారు.
News November 29, 2025
జనగామ: సమయపాలన పాటించని పల్లె దవాఖానాలు!
గ్రామీణ ప్రజలకు వైద్య సేవలు అందించేందుకు ప్రభుత్వం ఏర్పాటు చేసిన పల్లె దవాఖానాలలో సమయపాలన కొరవడింది. ఉదయం నుంచి సాయంత్రం వరకు విధులు నిర్వర్తించాల్సి ఉన్నా, గానుగుపహడ్, వడ్లకొండ గ్రామాల్లోని దవాఖానాలు మధ్యాహ్నం సమయంలోనే తాళాలు వేసి వెళ్తున్నారనే ఆరోపణలు వస్తున్నాయి. దీనివల్ల రోగులకు ఇబ్బందులు తప్పడం లేదు.
News November 29, 2025
నన్ను చిన్న చూపు చూస్తున్నారు: తిరుపతి జిల్లా MLA
తిరుపతి కలెక్టరేట్‌లో శనివారం జరిగిన విజిలెన్స్ అండ్ మానిటరింగ్ కమిటీ సమావేశంలో అధికారులపై సత్యవేడు MLA ఆదిమూలం ఫైరయ్యారు. తాను దళితుడు కావడంతో చిన్న చూపు చూస్తున్నారని ఆవేదన వ్యక్తం చేశారు. తహశీల్దార్లు, పోలీసు అధికారులు కనీసం తన మాటకు విలువ ఇవ్వడం లేదన్నారు. పార్టీ నేతకు ఎందుకు ప్రోటోకాల్ ఇస్తున్నారని ప్రశ్నించారు. సీఎం వద్దే అసలు విషయం తేల్చుకుంటానంటూ ఆయన సమావేశాన్ని బాయ్‌కాట్ చేశారు.