News November 29, 2025
చారకొండ: ఎన్నికల బహిష్కరణకు ఎర్రవల్లి తీర్మానం

చారకొండ మండలంలోని ఎర్రవల్లి గ్రామ భూ నిర్వాసితుల కమిటీ సర్పంచ్ ఎన్నికలను బహిష్కరిస్తున్నట్లు ఏకగ్రీవంగా తీర్మానించింది. రిజర్వాయర్ సమస్యపై ప్రభుత్వం స్పందించకపోవడం, గ్రామ అభిప్రాయం లేకుండా పునరావాస ప్యాకేజీలను ప్రకటించడం పట్ల గ్రామస్థులు ఆగ్రహం వ్యక్తం చేశారు. రిజర్వాయర్ సామర్థ్యాన్ని తగ్గించి, గ్రామాన్ని ముంపు నుంచి కాపాడాలని ప్రభుత్వాన్ని డిమాండ్ చేశారు.
Similar News
News November 29, 2025
మీజిల్స్ లక్షణాలివే!

మీజిల్స్ అనేది అంటువ్యాధి. ఐదేళ్లలోపు పిల్లలపై ఎక్కువగా ప్రభావం చూపుతుంది. ఇది సోకినప్పుడు జ్వరం, దగ్గు, ముక్కు కారడం శరీరంపై దద్దుర్లు వస్తాయి. శ్వాసకోశ వ్యవస్థపై ప్రభావం చూపుతుంది. వైరస్ సోకిన తర్వాత న్యుమోనియా, చెవి ఇన్ఫెక్షన్లు, మెదడు వాపు వంటి తీవ్రమైన సమస్యలకూ దారి తీసే ఆస్కారముంది. WHO రూల్స్ ప్రకారం రెండు డోసుల MMR వ్యాక్సిన్తో 95% వైరస్ సోకకుండా ఆపొచ్చని వైద్యులు చెబుతున్నారు.
News November 29, 2025
హనుమాన్ చాలీసా భావం – 24

భూత పిశాచ నికట నహి ఆవై|
మహవీర జబ నామ సునావై||
ఎవరైతే మహా వీరుడైన హనుమంతుడి నామాన్ని తలచుకుంటారో భూతాలు, ప్రేతాలు వారి దరిదాపుల్లోకి కూడా రావు. ఎలాంటి చెడు చేయలేవు. మనం హనుమంతునిపై సంపూర్ణ విశ్వాసం ఉంచితే ఆయన మనల్ని ఎలాంటి భయం, అపాయం కలగకుండా చూసుకుంటాడు. ఆయన నామమే మనకు అతిపెద్ద రక్షణ కవచంగా పనిచేస్తుంది. జై హనుమాన్!! <<-se>>#HANUMANCHALISA<<>>
News November 29, 2025
సిద్దిపేట: నేడు పోలీస్ కమిషనర్తో ఫోన్ ఇన్

ప్రజల నుంచి నేరుగా ఫిర్యాదులు, సమస్యలు స్వీకరించి వాటిని పరిష్కరించే లక్ష్యంతో “పోలీస్ కమీషనర్తో ఫోన్-ఇన్” కార్యక్రమం నిర్వహించడం జరుగుతుందని సిద్దిపేట CP విజయ్ కుమార్ తెలిపారు. ప్రజలు తమ పరిసరాలల, నేర కార్యకలాపాలు, ప్రజా సమస్యలు వంటి ముఖ్యమైన అంశాల గురించి నేరుగా కమిషనర్తో మాట్లాడవచ్చన్నారు. శనివారం ఉదయం 11.00 నుంచి 12.00 వరకు 8712667407, 8712667306,
8712667371 ఈ నంబర్లకు సంప్రదించాలన్నారు.


