News November 28, 2025

జగిత్యాల జిల్లా ఉప వైద్యాధికారిగా జైపాల్ రెడ్డి

image

జగిత్యాల జిల్లా ఉప వైద్యాధికారిగా ముస్కు జైపాల్ రెడ్డి గురువారం బాధ్యతలు స్వీకరించారు. మాతా శిశు సంరక్షణ అధికారిగా బాధ్యతలు నిర్వహిస్తున్న జైపాల్ రెడ్డి పదోన్నతి పొంది జిల్లా ఉప వైద్యాధికారిగా నియామకమయ్యారు. ఈ సందర్భంగా జైపాల్ రెడ్డి జిల్లా కలెక్టర్ సత్యప్రసాద్ ను మర్యాదపూర్వకంగా కలిసి పుష్పగుచ్ఛం అందించారు. జిల్లా వైద్యాధికారి ప్రమోద్ కుమార్, డిపిఓ రవీందర్ పాల్గొన్నారు.

Similar News

News November 29, 2025

దిత్వా తుఫాన్.. చిత్తూరు కలెక్టర్ కీలక ఆదేశాలు

image

దిత్వా తుఫాన్ నేపథ్యంలో చిత్తూరు జిల్లాలో నవంబర్ 30, డిసెంబర్ 1న భారీ నుంచి అతి భారీ వర్షాలు కురిసే అవకాశం ఉందని కలెక్టర్ సుమిత్ కుమార్ పేర్కొన్నారు. భారీ గాలులు సైతం వీచే అవకాశాలు ఉన్నందున ప్రజలు అప్రమత్తంగా ఉండాలని సూచించారు. ప్రాణ, ఆస్తి నష్టం సంభవించకుండా ముందస్తు చర్యలు తీసుకోవాలని అధికారులను ఆదేశించారు. అవసరమైతే తాత్కాలిక పునరావాస శిబిరాలు ఏర్పాటు చేసి నిత్యావసరాలను అందుబాటులో ఉంచాలన్నారు.

News November 29, 2025

నల్గొండ: గెలుపే లక్ష్యంగా వ్యూహాలు..!

image

జిల్లాలో 869 గ్రామ పంచాయతీ ఎన్నికల్లో గెలుపే లక్ష్యంగా పార్టీలు సమాయత్తం అవుతున్నాయి. సర్పంచ్, వార్డు సభ్యులుగా పోటీ చేసే ఆశావహులు, కార్యకర్తలతో కాంగ్రెస్, బీఆర్ఎస్, బీజేపీ నేతలు విస్తృతంగా సమావేశాలు నిర్వహిస్తున్నారు. ప్రజల్లో మంచి పేరుతో పాటు ఆర్థిక బలం ఉన్న వారిని పోటీలో నిలపాలని వ్యూహ రచన చేస్తున్నారు. గెలుపే లక్ష్యంగా ముందుకు సాగాలని శ్రేణులకు దిశా నిర్దేశం చేస్తున్నారు.

News November 29, 2025

మరుగుదొడ్ల నిర్మాణ పనులు పూర్తి చేయండి: VZM కలెక్టర్

image

జిల్లాలోని వివిధ సంక్షేమ వసతిగృహాలు, అంగన్‌వాడీ కేంద్రాల్లో మరుగుదొడ్ల నిర్మాణ పనులను డిసెంబర్ నెలాఖరు నాటికి పూర్తిచేయాలని కలెక్టర్ ఎస్.రాంసుందర్ రెడ్డి అధికారులను ఆదేశించారు. శనివారం తన ఛాంబర్‌లో ఆయన ఈ పనుల పురోగతిని సమీక్షించారు. పట్టణ ప్రాంతాలకు సంబంధించిన 21 మరుగుదొడ్ల నిర్మాణం పబ్లిక్ హెల్త్ విభాగం ద్వారా వేగవంతంగా చేపట్టాలని ఆయన సూచించారు.