News September 18, 2025

జగిత్యాల: లైంగిక వేధింపుల కేసులో తహశీల్దార్‌ సస్పెండ్‌

జగిత్యాల జిల్లాలోని పెగడపల్లి మండల తహశీల్దార్ బీ.రవీందర్‌ నాయక్‌ను కలెక్టర్ సత్యప్రసాద్ సస్పెండ్ చేశారు. 2 పడక గదుల ఇళ్ల దరఖాస్తుల సర్వే సమయంలో వార్డు అధికారిణిని ఆయన లైంగికంగా వేధించారనే ఆరోపణలతో ఇటీవల జగిత్యాల పట్టణ పోలీసులు ఆయనపై కేసు నమోదు చేశారు. అనంతరం అరెస్టు చేసి రిమాండ్‌కు తరలించారు. ఈ వరుస పరిణామాల నేపథ్యంలో కలెక్టర్ పూర్తి స్థాయిలో విచారణ జరిపి బుధవారం సస్పెన్షన్ ఉత్తర్వులు జారీ చేశారు.