News November 12, 2025
దేహమే శివాలయం అని చెప్పే శ్లోకం
‘దేహం దేవాలయం ప్రోక్తం జీవో దేవ ‘స్సనాతన:’’
ఈ శ్లోకం ప్రకారం.. మన శరీరమే ఒక దేవాలయం. ఈ ఆలయంలో నివసించే ప్రాణం సాక్షాత్తూ పరమశివుడే! మన జీవం, పంచభూతాలతో ఏర్పడిన ఈ శరీరం అంతా ఈశ్వరుడే. ఇదే శివతత్వం ముఖ్య సారాంశం. నిజమైన యోగి సాధన ద్వారా ఈ శరీర రహస్యాన్ని అర్థం చేసుకుంటాడు. పంచభూతాలకు అతీతంగా ఉండే పరమ సత్యాన్ని తెలుసుకుంటాడు. అప్పుడు ఆ జీవుడు శివయోగిగా మారి, శివుడితో ఏకమవుతాడు. <<-se>>#SIVA<<>>
Similar News
News November 12, 2025
జల సంరక్షణలో తెలంగాణ నంబర్-1
జాతీయ జల అవార్డులు-2024లో జల్ సంచయ్ జన్ భాగీదారీ(ప్రజల భాగస్వామ్యంతో నీటి సంరక్షణ) విభాగంలో TG ఫస్ట్ ర్యాంక్ సాధించింది. 5,20,362 పనులు పూర్తిచేసి ఈ ఘనత సాధించింది. జిల్లాల్లో ఆదిలాబాద్, నల్గొండ, మంచిర్యాల టాప్‌లో నిలిచాయి. ఇదే కేటగిరీ మున్సిపల్ విభాగంలో రాజమండ్రి(AP) 4వ ర్యాంకు సాధించింది. దీంతో ఒక్కో జిల్లాకు రూ.2 కోట్ల నగదు బహుమతి రానుంది. ఈ నెల 18న రాష్ట్రపతి ముర్ము పురస్కారాలను అందజేస్తారు.
News November 12, 2025
సీరం వాడుతున్నారా?
చర్మ సంరక్షణలో సీరం కీలకపాత్ర పోషిస్తుంది. మీకున్న చర్మ సమస్యకు తగిన సీరం ఎంచుకోవడం ముఖ్యం. విటమిన్ సి సీరం వృద్ధాప్య ఛాయల్ని, హ్యాలురోనిక్ యాసిడ్ ఉన్న సీరం చర్మాన్ని హైడ్రేట్ చేస్తుంది. ముఖంపై ముడతలు ఉంటే రెటినాల్ సీరం, కాలుష్యం వల్ల దెబ్బతిన్న చర్మానికి బీటా కెరొటిన్, గ్రీన్ టీ, బెర్రీలు, దానిమ్మ, ద్రాక్ష గింజల సారం ఉన్న సీరం మంచిది. సున్నిత చర్మం ఉంటే యాంటీఇన్ఫ్లమేటరీ సీరం ఎంచుకోవాలి.
News November 12, 2025
నేడు విచారణకు ప్రకాశ్ రాజ్
బెట్టింగ్ యాప్స్ కేసులో నోటీసులు అందుకున్న నటుడు ప్రకాశ్ రాజ్ ఇవాళ CID విచారణకు హాజరుకానున్నారు. నిన్న విజయ్ దేవరకొండను విచారించిన అధికారులు.. బ్యాన్డ్ యాప్స్‌ను ఎలా ప్రమోట్ చేశారు? ఏ ఒప్పందాలు జరిగాయి? రెమ్యునరేషన్ ఎంత? తదితర అంశాలపై గంట పాటు ప్రశ్నించారు. ఇందుకు తాను చట్టబద్ధంగా A23 యాప్‌ను ప్రమోట్ చేశానని విజయ్ పలు ఆధారాలు సమర్పించారు.