News November 29, 2025

ధర్మవరంలో EVM గోడౌన్లను తనిఖీ చేసిన కలెక్టర్

image

ధర్మవరం మార్కెట్ యార్డు‌లో ఉన్న ఈవీఎం గోడౌన్లను గుర్తింపు పొందిన అన్ని రాజకీయ పార్టీల ప్రతినిధుల సమక్షంలో జిల్లా కలెక్టర్ ఏ.శ్యాం ప్రసాద్ శుక్రవారం పరిశీలించారు. ఎన్నికల కమిషన్ ఆదేశాలు మార్గదర్శకాల ప్రకారం నెలవారీ తనిఖీల్లో భాగంగా ఈవీఎంలను భద్రపరిచిన గోడౌన్ల భద్రతకు తీసుకుంటున్న జాగ్రత్తలను ఆయన సమీక్షించారు. గోడౌన్ వద్ద సీసీ కెమెరా వ్యవస్థ, ఫైర్ సేఫ్టీ, 24 గంటల భద్రతా ఏర్పాటు చేయాలన్నారు.

Similar News

News November 29, 2025

నల్గొండ: గెలుపే లక్ష్యంగా వ్యూహాలు..!

image

జిల్లాలో 869 గ్రామ పంచాయతీ ఎన్నికల్లో గెలుపే లక్ష్యంగా పార్టీలు సమాయత్తం అవుతున్నాయి. సర్పంచ్, వార్డు సభ్యులుగా పోటీ చేసే ఆశావహులు, కార్యకర్తలతో కాంగ్రెస్, బీఆర్ఎస్, బీజేపీ నేతలు విస్తృతంగా సమావేశాలు నిర్వహిస్తున్నారు. ప్రజల్లో మంచి పేరుతో పాటు ఆర్థిక బలం ఉన్న వారిని పోటీలో నిలపాలని వ్యూహ రచన చేస్తున్నారు. గెలుపే లక్ష్యంగా ముందుకు సాగాలని శ్రేణులకు దిశా నిర్దేశం చేస్తున్నారు.

News November 29, 2025

మరుగుదొడ్ల నిర్మాణ పనులు పూర్తి చేయండి: VZM కలెక్టర్

image

జిల్లాలోని వివిధ సంక్షేమ వసతిగృహాలు, అంగన్‌వాడీ కేంద్రాల్లో మరుగుదొడ్ల నిర్మాణ పనులను డిసెంబర్ నెలాఖరు నాటికి పూర్తిచేయాలని కలెక్టర్ ఎస్.రాంసుందర్ రెడ్డి అధికారులను ఆదేశించారు. శనివారం తన ఛాంబర్‌లో ఆయన ఈ పనుల పురోగతిని సమీక్షించారు. పట్టణ ప్రాంతాలకు సంబంధించిన 21 మరుగుదొడ్ల నిర్మాణం పబ్లిక్ హెల్త్ విభాగం ద్వారా వేగవంతంగా చేపట్టాలని ఆయన సూచించారు.

News November 29, 2025

ప్రజలు ఇళ్లల్లోనే ఉండాలి: మంత్రి అనిత

image

AP: భారీ వర్షాల సమయంలో ప్రజలు ఇళ్లల్లోనే ఉండాలని మంత్రి అనిత సూచించారు. సాయం కోసం టోల్ ఫ్రీ నంబర్లను 112, 1070, 18004250101 సంప్రదించాలన్నారు. దిత్వా తుఫాన్‌పై అధికారులతో సమీక్షించారు. రేపు, ఎల్లుండి ప్రకాశం, NLR, SSS, కడప, అన్నమయ్య, చిత్తూరు, TPT జిల్లాల్లో భారీ వర్ష సూచన ఉన్న నేపథ్యంలో ఎప్పటికప్పుడు ప్రభావిత జిల్లాలను అలర్ట్ చేయాలని ఆదేశించారు. సహాయక చర్యలకు SDRF, NDRF బృందాలు పంపించాలన్నారు.