News November 29, 2025
నల్గొండ: ‘భూమి, డబ్బులు ఇస్తా.. నన్నే ఏకగ్రీవం చేయండి’
ఉమ్మడి నల్గొండ పంచాయతీ ఎన్నికల సందడిలో ఆశావహుల హడావుడి పెరిగింది. ఏకగ్రీవం కోసం కొందరు గుడికి లేదా గ్రామ పంచాయతీకి తమ భూములు, డబ్బులు ఇస్తామని గ్రామ పెద్దలకు, ప్రజలకు హామీలు ఇస్తున్నట్లు సమాచారం. ఏకగ్రీవం సాధించాలనే పోటీలో ఆశావహులు ప్రచారాన్ని ముమ్మరం చేస్తున్నారు. గ్రామాల్లో ఈ వ్యవహారం హాట్ టాపిక్‌గా మారింది. ముఖ్యంగా పలు తండాల్లో ఈ బేరసారాలు గుట్టుచప్పుడు కాకుండా జరుగుతున్నట్లు సమాచారం.
Similar News
News November 29, 2025
WNP: నామినేషన్ల స్క్రూటినీకి ఏర్పాట్లు సిద్ధం చేయాలి: కలెక్టర్
వనపర్తి జిల్లాలో మొదటి విడత పోలింగ్ మండలాల్లో నామినేషన్ల స్క్రూటినీ ఏర్పాట్లు సిద్ధం చేసుకోవాలని జిల్లా కలెక్టర్ ఆదర్శ్ సురభి అధికారులను ఆదేశించారు. శనివారం కలెక్టరేట్ నుంచి తహశీల్దార్లు, ఎంపీడీఓలతో వీడియో కాన్ఫరెన్స్ ద్వారా ఆయన దిశానిర్దేశం చేశారు. పోలింగ్ సిబ్బందికి పోస్టల్ బ్యాలెట్ ఇచ్చేందుకు అన్ని ఏర్పాట్లు చేసుకోవాలని కలెక్టర్ సూచించారు.
News November 29, 2025
శ్రీలంకలో చిక్కుకున్న ఏపీవాసులు.. స్పందించిన మంత్రి లోకేశ్
AP: దిత్వా తుఫాన్‌ కారణంగా భారీ వర్షాలు శ్రీలంకను ముంచెత్తుతున్నాయి. దీంతో పలు విమానాలు రద్దయ్యాయి. ఈ క్రమంలో కువైట్ నుంచి ఇండియాకు వస్తున్న నెల్లూరు(D)కు చెందిన ఏడుగురు ప్రయాణికులు శ్రీలంకలోని కొలంబో ఎయిర్‌పోర్టులో చిక్కుకున్నారు. చెన్నైకి రావాల్సిన విమానం రద్దవడంతో రెండు రోజులుగా తీవ్ర ఇబ్బందులు పడుతున్నారు. వారిని వెంటనే APకి తీసుకొచ్చేందుకు చర్యలు తీసుకుంటున్నట్లు మంత్రి లోకేశ్ తెలిపారు.
News November 29, 2025
మునిషన్స్ ఇండియా లిమిటెడ్‌లో అప్రెంటిస్ పోస్టులు
మునిషన్స్ ఇండియా లిమిటెడ్‌ 50 అప్రెంటిస్ పోస్టులకు దరఖాస్తులు కోరుతోంది. ఇంజినీరింగ్ డిగ్రీ, డిప్లొమా అర్హతగల వారు DEC 10 వరకు ఆఫ్‌లైన్‌లో అప్లై చేసుకోవచ్చు. సివిల్, ఎలక్ట్రికల్, ఎలక్ట్రానిక్స్& టెలికమ్యూనికేషన్, మెకానికల్, ప్రొడక్షన్ విభాగంలో పోస్టులు ఉన్నాయి. NATS పోర్టల్‌లో రిజిస్ట్రేషన్ తప్పనిసరి. గ్రాడ్యుయేట్ అప్రెంటిస్‌కు నెలకు రూ.12,300, డిప్లొమా అప్రెంటిస్‌కు రూ.10,900 చెల్లిస్తారు.