News November 12, 2025
పుట్టిన రోజు నాడే యువకుడి ఆత్మహత్య
పుట్టినరోజు నాడే ఓ యువకుడి ఆత్మహత్య ఘటన కుటుంబాన్ని శోకసంద్రంలో ముంచింది. కొలిమిగుండ్ల(M) అంకిరెడ్డిపల్లెకు చెందిన దాసరి కార్తీక్‌(23) ఆత్మహత్యకు పాల్పడ్డాడు. మంగళవారం పుట్టినరోజు వేడుకలకు కుటుంబీకులు సిద్ధమవుతుండగా ఇంట్లో ఉరివేసుకున్నాడు. జీవితంపై విరక్తి చెంది సూసైడ్ చేసుకున్నట్లు CI రమేశ్ బాబు వెల్లడించారు. కేసు దర్యాప్తు చేస్తున్నామన్నారు. ఈ ఘటనతో స్నేహితులు, బంధువులు కన్నీరు మున్నీరయ్యారు.
Similar News
News November 12, 2025
స్లీపర్ సెల్స్ రూపంలో టెర్రరిజం: కిరణ్ బేడీ
పేదరికం, నిరుద్యోగంతో యువత ఉగ్ర, తీవ్రవాదాల వైపు మళ్లుతున్నారన్నది పాత వాదన. కానీ అదిప్పుడు వైట్ కాలర్ అఫెన్సుగా మారింది. తాజాగా పట్టుబడ్డవారంతా డాక్టర్లు, ప్రొఫెసర్లే. సరిహద్దుల్ని దాటి దేశంలో స్లీపర్ సెల్స్ రూపంలో టెర్రరిజమ్ వ్యాపించిందని మాజీ IPS కిరణ్ బేడీ ఇండియాటుడే చర్చలో పేర్కొన్నారు. ఇది ప్రమాదకరమని, ప్రజల సహకారంతో అన్ని రాష్ట్రాల భద్రతా విభాగాలు ఉగ్రవాదాన్ని పూర్తిగా తుదముట్టించాలన్నారు.
News November 12, 2025
నడిగూడెం: నాటి తొలి బోర్డు హైస్కూల్- నేటి జడ్పీ స్కూల్
నడిగూడెంలో కొల్లు పాపయ్య చౌదరి విరాళంతో 1950లో 4 ఎకరాల్లో ఉన్నత పాఠశాల నిర్మించారు. అప్పట్లో ఉమ్మడి ఏపీ కృష్ణా జిల్లాలో ఇదే మొదటి బోర్డు హైస్కూల్‌గా గుర్తింపు పొందింది. కోదాడ, సూర్యాపేట నుంచి విద్యార్థులు వచ్చి హెచ్ఎస్ఎల్సీ వరకు ఇక్కడ చదివేవారు. దూర ప్రాంత విద్యార్థుల కోసం వసతి గృహాన్ని కూడా నిర్మించారు. నాటి నుంచి నేటి వరకు ఇది జడ్పీ బాలుర ఉన్నత పాఠశాలగా కొనసాగుతోంది.
News November 12, 2025
వరంగల్ మార్కెట్లో స్వల్పంగా పెరిగిన మిర్చి ధరలు..!
WGL ఎనుమాముల మార్కెట్లో బుధవారం మిర్చి ధరలు ఇలా ఉన్నాయి. 341 రకం మిర్చి క్వింటాకు మంగళవారం రూ.18,200 ధర రాగా.. నేడు రూ.18,300 అయింది. వండర్ హాట్ (WH) మిర్చి నిన్నటి లాగే రూ.17,500 పలికింది. తేజ మిర్చికి కూడా నిన్నటి లాగే ఇవాళ రూ.14,900 ధర వచ్చింది. అలాగే దీపిక మిర్చి నిన్న రూ.15 వేలు పలకగా ఈరోజు రూ.15,500 పలికింది.