News November 29, 2025
మచిలీపట్నం: ఫోన్ హ్యాక్.. రూ.8.15లక్షలు మాయం
మచిలీపట్నంలో ఓ మహిళ సైబర్ క్రైమ్ బారిన పడిన ఘటన ఆలస్యంగా వెలుగులోకి వచ్చింది. స్థానిక లక్ష్మీటాకీస్ సమీపంలో నివాసం ఉంటున్న శ్రావణి అనే యువతి సాఫ్ట్‌వేర్‌గా పని చేస్తున్నారు. ఈ నెల 24న తన వాట్సాప్‌కి ఓ లింక్ రాగా ఆ లింక్‌ను ఆమె భర్త ఓపెన్ చేశాడు. ఇంకేముంది ఫోన్ హ్యాక్ అయి అకౌంట్‌లో ఉన్న రూ.8.15 లక్షలు మాయమయ్యాయి. బాధితురాలి ఫిర్యాదు మేరకు పోలీసులు కేసు దర్యాప్తు చేస్తున్నారు.
Similar News
News November 29, 2025
విశాఖ: ఇంటర్ విద్యార్థి ఆత్మహత్య
విశాఖలో ఓ ఇంటర్ విద్యార్థి ఆత్మహత్య చేసుకున్నాడు. భీమిలి మండలం దిబ్బడిపాలేనికి చెందిన చిన్మయ ఆనంద్‌ శుక్రవారం సాయంత్రం ఇంట్లో ఎవరూ లేని సమయంలో ఉరివేసుకున్నాడు. తల్లిదండ్రులు ఇంటికి వచ్చిచూసి CPR చేసి వెంటనే దగ్గర్లో ఉన్న ఆసుపత్రికి తరలించారు. అక్కడ చికిత్స పొందుతూ శనివారం ఉదయం మృతి చెందాడు. ఆత్మహత్యకు గల కారణాలు తెలియాల్సి ఉంది. హెడ్ కానిస్టేబుల్ అమర్ కేసు నమోదు చేసినట్లు చెప్పారు.
News November 29, 2025
జగిత్యాల జిల్లాలో పోటాపోటీగా నామినేషన్లు
జగిత్యాల జిల్లాలో సర్పంచ్‌కు శుక్రవారం వరకు 297 నామినేషన్లు దాఖలు కాగా వార్డు సభ్యులకు 456మంది నామినేషన్లు వేశారు. సర్పంచ్‌కు భీమారంలో 45, ఇబ్రహీంపట్నం 38, కథలాపూర్ 52, కోరుట్ల 31, మల్లాపూర్ 55, మేడిపల్లి 26, మెట్‌పల్లిలో 50 మంది నామినేషన్లు దాఖలు చేశారు. అలాగే వార్డు సభ్యులకు భీమారంలో 61, ఇబ్రహీంపట్నం 74, కథలాపూర్ 112, కోరుట్ల 58, మల్లాపూర్ 47, మేడిపల్లి 16, మెట్‌పల్లిలో 88 మంది నామినేషన్ వేశారు.
News November 29, 2025
NTR: ఈ సమస్యలను పట్టించుకోండి కలెక్టర్ సాబ్..!
ఎన్టీఆర్ జిల్లా కలెక్టర్‌గా లక్ష్మీశ పదవీ బాధ్యతలు చేపట్టి ఏడాది పూర్తయింది. ఈ ఏడాదిలో అనేక సమస్యలు పరిష్కరించినా, ప్రధాన సమస్యలపై మాత్రం దృష్టి పెట్టాల్సిన అవసరం ఉందని పలువురు చెబుతున్నారు. ఫుడ్ కోర్ట్ నాణ్యత, తిరువూరు కిడ్నీ బాధితుల నీటి సరఫరా ఆలస్యం, ఆటోనగర్‌ కాలుష్యం, రెవెన్యూ సమస్యల పరిష్కారంలో వేగం పెంచాలి. ముఖ్యంగా టూరిజం అభివృద్ధిపై చర్యలు తీసుకోవాలని ప్రజలు కోరుతున్నారు.