News November 12, 2025
విశాఖలో ట్రాఫిక్ డైవర్షన్స్
విశాఖలో 14,15 తేదీల్లో జరగనున్న భారత పరిశ్రమల సమాఖ్య (CII Summit–2025) సదస్సు నేపథ్యంలో నగర ట్రాఫిక్ పోలీసులు డైవర్షన్‌లు అమలు చేస్తున్నారు. విశాఖ కంటి ఆసుపత్రి జంక్షన్‌ వద్ద నుంచి శివాజీ పాలెం మీదుగా హైవేకు మార్గం మారుస్తారు. సిరిపురం, టైకూన్‌, మాస్క్‌ జంక్షన్‌ల వద్ద సాధారణ వాహనాల రూట్లు మార్చారు. భారీ వాహనాలు ఆనందపురం నుంచి పెందుర్తి, సబ్బవరం మీదుగా అనకాపల్లి చేరుకోవాలి.
Similar News
News November 13, 2025
ప్రతిష్టాత్మక కమిటీలో మచిలీపట్నం ఎంపీకి స్థానం
మచిలీపట్నం ఎంపీ బాలశౌరికి మరో ప్రతిష్టాత్మక కమిటీలో చోటు దక్కింది. కేంద్ర ప్రభుత్వం ప్రకటించిన రాజ్యాంగ (130వ సవరణ) బిల్లు-2025 జమ్మూకశ్మీర్ పునర్వ్యవస్థీకరణ (సవరణ) బిల్లు, కేంద్రపాలిత ప్రాంతాల ప్రభుత్వం (సవరణ) బిల్లు సంయుక్త కమిటీ సభ్యులుగా బాలశౌరిని నియమించారు. ప్రతిష్టాత్మకమైన కమిటీలో చోటు దక్కినందుకు ఎంపీ బాలశౌరి ప్రధాని మోదీ, కేంద్ర హోంమంత్రి అమిత్‌షాకు కృతజ్ఞతలు తెలియజేశారు.
News November 13, 2025
LSG-MI మధ్య టాక్స్.. ఎక్స్‌ఛేంజ్‌ అయ్యేది వీళ్లే!
IPL రిటెన్షన్ గడువు దగ్గర పడుతుండటంతో ఫ్రాంచైజీలు ఆటగాళ్ల స్వాపింగ్‌ చర్చల్లో వేగం పెంచాయి. RR, CSK మధ్య <<18253766>>కీలక ఆటగాళ్ల<<>> ఎక్స్‌ఛేంజ్‌కు ఇప్పటికే ట్రేడ్ టాక్స్ జరుగుతున్నాయి. తాజాగా LSG-MI కూడా చెరో ప్లేయర్‌ను మార్చుకునేందుకు సిద్ధమైనట్లు తెలుస్తోంది. LSG నుంచి MIకి శార్దూల్ ఠాకూర్, MI నుంచి LSGకి అర్జున్ టెండూల్కర్ మారతారని cricbuzz తెలిపింది. MIతో శార్దూల్ డీల్ కుదిరినట్లు అశ్విన్ చెప్పడం గమనార్హం.
News November 13, 2025
‘పామాయిల్ తోటల పెంపకంపై అవగాహన కల్పించాలి’
జిల్లాలో పామాయిల్ తోటల పెంపకంపై రైతులకు అవగాహన కల్పించాలని కలెక్టర్ డాక్టర్ వి. వినోద్ కుమార్ ఆదేశించారు. బాపట్ల కలెక్టరేట్‌లో నిర్వహించిన సమావేశంలో ఆయన ఉద్యాన శాఖ ప్రతి నెల 100 హెక్టార్లలో పామాయిల్ సాగు చేపట్టేలా చర్యలు తీసుకోవాలని సూచించారు. పశుసంవర్ధక శాఖ మొబైల్ వాహనాల ద్వారా గ్రామాల్లో మెడికల్ క్యాంపులు నిర్వహించాలన్నారు.