News December 8, 2025
విశాఖలో 10 విమానాల రద్దు.. ప్రయాణికులకు తప్పని ఇక్కట్లు
ఇండిగో సంక్షోభం ప్రభావంతో విశాఖ నుంచి సండే 10 ఫ్లైట్ సర్వీసులు రద్దయ్యాయి. దీంతో కనెక్టింగ్ ఫ్లైట్ల ప్రయాణీకులు గంటల తరబడి ఎయిర్పోర్టులో చిక్కుకుపోయారు. రద్దు వల్ల విశాఖ-HYD టికెట్ ధరలు రూ.6వేల నుంచి రూ.18 వేలకి పెరిగాయి. మ్యాచ్ కోసం వచ్చిన వాళ్లు, అయ్యప్ప భక్తులు, విదేశీయులు ఇబ్బందిపడుతున్నారు. పర్యాటకం, హాస్పిటాలిటీ రంగాలకు భారీ నష్టం వాటిల్లే ప్రమాదం ఉందని ట్రావెల్ అసోసియేషన్లు హెచ్చరించాయి.
Similar News
News December 9, 2025
తూ.గో: విదేశీ ఉద్యోగాల ఎర.. రూ.4 కోట్లకు టోకరా
విదేశాల్లో ఉద్యోగాలు ఇప్పిస్తామంటూ నిరుద్యోగులను నమ్మించి రూ. 4 కోట్లు వసూలు చేసిన ఘరానా మోసం నిడదవోలు మండలం గోపవరంలో ఆలస్యంగా వెలుగుచూసింది. యంట్రపాటి విజయలక్ష్మి, భాగ్యం తదితరులు తమను నిండా ముంచారని బాధితులు వాపోయారు. డబ్బులు తిరిగి అడిగితే ముఖం చాటేస్తున్నారని, తమకు న్యాయం చేయాలంటూ సోమవారం కలెక్టర్, జిల్లా జడ్జికి వారు ఫిర్యాదు చేశారు.
News December 9, 2025
భద్రకాళి ఆలయంలో నకిలీ టికెట్లు
వరంగల్ భద్రకాళి ఆలయంలో నకిలీ టికెట్ల బాగోతం బయటకు వచ్చింది. ఇద్దరు ఉద్యోగులు ఒకే సీరీస్ నంబర్లున్న టికెట్లను భక్తులకు విక్రయించడంతో ఈ వ్యవహారం బయటకు వచ్చింది. కాజీపేటకు చెందిన భక్తుడు నకిలీ టికెట్లు ఉన్నాయంటూ ఆలయం ఈవో రామల సునీతకు లిఖిత పూర్వకంగా ఫిర్యాదు చేశాడు. దీంతో ఆలయ బోర్డులో చర్చించి బాధ్యులపై చర్యలు తీసుకుంటామని ఈవో పేర్కొన్నారు. నకిలీ టికెట్ల విక్రయం భద్రకాళి ఆలయంలో చర్చనీయాంశమైంది.
News December 9, 2025
చివ్వెంలలో తెల్లవారుజామున భారీ పేలుడు
చివ్వెంల మండల పరిధిలో మంగళవారం తెల్లవారుజామున భారీ పేలుడు సంభవించింది. బ్రిక్స్ యూనిట్లోని పీడన ఫోమ్ తయారీ ట్యాంక్ ఒక్కసారిగా పేలిపోయింది. ఈ ప్రమాదం తెల్లవారుజామున జరిగిందని స్థానికులు తెలిపారు. పేలుడు శబ్దం భారీగా ఉండడంతో సమీపంలోని బీబీగూడెం, మున్యా నాయక్ తండా ప్రజలు ఉలిక్కిపడి ఇళ్ల నుంచి బయటకు పరుగులు తీశారు. ప్రజలు తండోపతండాలుగా ఘటనా స్థలానికి చేరుకున్నారు.