News November 29, 2025

విశాఖ: గంటలోనే 22 వేల టిక్కెట్లు SOLD OUT?

image

విశాఖలో డిసెంబర్ 6న జరగనున్న భారత్ – సౌతాఫ్రికా వన్డే మ్యాచ్ టికెట్ల విక్రయాలపై తీవ్ర వివాదం రేగుతోంది. ఈనెల 28న టికెట్లు ఆన్లైన్లో బుకింగ్‌కి తెరవగా.. కేవలం గంటలోనే 22,000 టిక్కెట్లు పూర్తిగా అమ్ముడుపోవడం చర్చనీయాంశమైంది. సెకన్లలో టికెట్లు మాయం కావడం, కేవలం ఒక ప్రైవేట్ యాప్‌‌లో ఆన్‌లైన్‌లో మాత్రమే అమ్మాకాలు చేయడంతో ప్రేక్షకులు తీవ్ర అసంతృప్తి వ్యక్తం చేస్తున్నారు.

Similar News

News November 29, 2025

నల్గొండ: ఈ ఎన్నికలు మంత్రులు, ఎమ్మెల్యేలకు పరీక్షే!

image

ఉమ్మడి నల్గొండ జిల్లాలో గ్రామ పంచాయతీ ఎన్నికలు మంత్రులు, ఎమ్మెల్యేలకు పరీక్ష పెడుతున్నాయి. ప్రజాప్రతినిధులుగా గెలిచిన తర్వాత జరుగుతున్న ఎన్నికలు కావడంతో ప్రతిష్ఠాత్మకంగా మారాయి. పంచాయతీ ఎన్నికల తర్వాత ఎంపీటీసీ, జడ్పీటీసీ, మున్సిపల్, ఎన్నికలు జరగనున్నాయి. గ్రామాల్లో తమ ఓటు బ్యాంకు పదిలంగా ఉందా..? లేదా..? ప్రభుత్వంపై పల్లెల్లో ప్రజా అనుకూలత తెలియజేసేందుకు ఈ ఎన్నికలు రెఫరెండంగా మారాయి.

News November 29, 2025

నల్గొండ: ఆ గ్రామంలో పదవులు పంచుకుంటున్నారు..!

image

మొదటి విడత ఎన్నికల్లో భాగంగా నకిరేకల్ మండలం కడపర్తిలో ఒకటో వార్డులో రగడ నెలకొంది. పార్టీ కోసం కష్టపడ్డ వారికి వార్డు మెంబర్ స్థానం దక్కనివ్వకుండా సర్పంచ్ అభ్యర్థి ఒంటెద్దు పోకడకు పోతున్నాడని గ్రామస్థులు అంటున్నారు. సీపీఎంతో కుమ్మక్కై మొదటి వార్డులో సీపీఎం అభ్యర్థికి, కాంగ్రెస్ సర్పంచ్ అభ్యర్థి సపోర్ట్ చేయడం సరి కాదంటున్నారు. గెలవక ముందే కాంగ్రెస్, సీపీఎం కలిసి పదవులు పంచుకుంటున్నాయన్నారు.

News November 29, 2025

సర్పంచ్ పదవికే వన్నెతెచ్చిన పాపారావు

image

సిరిసిల్ల మాజీ ఎమ్మెల్యే రేగులపాటి పాపారావు రుద్రవరం సర్పంచ్‌గా పనిచేసి ఆ పదవికే వన్నె తెచ్చారు. 1968 నుంచి 13 సంవత్సరాల పాటు పదవిలో కొనసాగారు. గ్రామాభివృద్ధికి ఆయన చేసిన కృషికి గుర్తింపుగా అప్పటి కేంద్ర ప్రభుత్వం పాపారావును ఉత్తమ సర్పంచ్ అవార్డుతో సత్కరించింది. 1981లో సమితి ప్రెసిడెంట్‌గా, 87లో MPPగా, 1996లో KRMR DCMS ఛైర్మన్‌గా పనిచేసి, 1999లో సిరిసిల్ల నుంచి ఎమ్మెల్యేగా గెలుపొందారు.