News November 29, 2025
శ్రీకాకుళం: రేషన్ డిపోల్లో రాగుల సరఫరా
జిల్లాలోని రేషన్ డిపోల్లో డిసెంబర్ నెల నుంచి లబ్ధిదారులకు రాగులు సరఫరా చేయనున్నారు. ఆముదాలవలస, సరుబుజ్జిలి, శ్రీకాకుళం, నరసన్నపేట, కోటబొమ్మాళి, పలాస, కంచిలి, ఇచ్ఛాపురం MLS స్టాక్ పాయింట్లకు ఇప్పటికే రాగులు సరఫరా జరిగినట్లు అధికారులు తెలిపారు. మిగతా సెంటర్లకు కూడా సరఫరా చేయనున్నట్లు పేర్కొన్నారు. జిల్లాలో 1625 రేషన్ డిపోలు ఉండగా 6.35 లక్షల రేషన్ కార్డులు, సుమారు 18.90లక్షల లబ్ధిదారులు ఉన్నారు.
Similar News
News November 29, 2025
శ్రీకాకుళం: కానిస్టేబుల్‌ను ఈడ్చికెళ్లిన ఆటో.. డ్రైవర్‌కు జైలు శిక్ష
శ్రీకాకుళంలో ట్రాఫిక్ విధుల్లో ఉన్న కానిస్టేబుల్‌ను మురళీకృష్ణను ఆటోతో డ్రైవర్ శ్రీనివాసరావు ఈడ్చుకొని వెళ్లిన ఘటనపై కేసు నమోదు చేశామని ట్రాఫిక్ సీఐ రామారావు తెలిపారు. మురళీకృష్ణకు గాయాలు కాగా డ్రైవర్‌ను మెజిస్ట్రేట్ శివరామకృష్ణ వద్ద హాజరుపరచగా 7 రోజుల జైలు శిక్ష విధించినట్లు చెప్పారు. శ్రీనివాసరావును సబ్ జైలుకు తరలించినట్లు చెప్పారు. రహదారిపై ఇష్టమొచ్చినట్లు ప్రవర్తిస్తే చర్యలు తప్పవన్నారు.
News November 29, 2025
శ్రీకాకుళం: సైబర్ సెక్యూరిటీ కోర్సుల్లో దరఖాస్తుల ఆహ్వానం
శ్రీకాకుళంలోని బలగ ప్రభుత్వ DLTC ITIలో APSSDC ఆధ్వర్యంలో ఎలక్ట్రీషియన్, సైబర్ సెక్యూరిటీ కోర్సుల్లో 3 నెలలు పాటు ఉచితంగా శిక్షణ ఇస్తున్నట్లు అసిస్టెంట్ డైరెక్టర్ రామ్మోహన్ రావు శుక్రవారం పేర్కొన్నారు. ఎలక్ట్రీషియన్‌కు పదోతరగతి, సైబర్ సెక్యూరిటీ కోర్సుకు ఇంటర్‌తో పాటుగా డిప్లొమా, డిగ్రీ ఆపై చదువుకున్న అభ్యర్థులు అర్హులన్నారు. డిసెంబర్ 8 లోపు దరఖాస్తులు బలగలోని తమ కార్యాలయంలో అందజేయాలన్నారు.
News November 29, 2025
SKLM: టెన్త్ పబ్లిక్ పరీక్ష ఫీజు చెల్లింపు గడువు పెంపు
10వ తరగతి పబ్లిక్ పరీక్ష ఫీజులు చెల్లించేందుకు డిసెంబర్ 6 వరకు గడువు తేదీ పెంచినట్లు జిల్లా విద్యాశాఖ అధికారి కే.రవిబాబు శుక్రవారం ఓ ప్రకటనలు తెలిపారు. రూ.50 ఫైన్‌తో డిసెంబర్ 7 నుంచి 9 వరకు, రూ,200 ఫైన్‌తో 10 నుంచి 12వ తేదీ వరకు ఫీజ్ చెల్లించవచ్చన్నారు. రూ.500 ఫైన్‌తో 13 నుంచి డిసెంబర్ 15 వరకు
ఫీజ్ చెల్లించవచ్చని పేర్కొన్నారు.