News November 28, 2025
శ్రీశైలంలో డిసెంబర్-1 నుంచి ఉచిత లడ్డూ కౌంటర్.!
శ్రీశైలం వెళ్లే భక్తులకు ఆలయ ఛైర్మన్ గుడ్ న్యూస్ చెప్పారు. డిసెంబర్ 1 నుంచి రూ.500, రూ.300 టికెట్ పొందిన భక్తులకు ఉచిత లడ్డూ ప్రసాద కేంద్రాన్ని ప్రారంభించనున్నట్లు శ్రీశైలం ట్రస్ట్ బోర్డు ఛైర్మన్ పోతుగుంట రమేశ్ నాయుడు తెలిపారు. అలాగే నూతన డొనేషన్ కౌంటర్, కైలాస కంకణముల కౌంటర్, ధర్మకర్తల మండలి చాంబర్ ప్రారంభించటంతోపాటు శ్రీ గోకులం ఆధునీకరణ పనులకు శ్రీకారం చుట్టనున్నట్లు ఛైర్మన్ పేర్కొన్నారు.
Similar News
News November 29, 2025
‘దిత్వా’ తుఫాను.. ఈ జిల్లాల్లో భారీ వర్షాలు
AP: ‘దిత్వా’ తుఫాను ప్రభావంతో 3 రోజుల పాటు దక్షిణ కోస్తా, రాయలసీమలోని కొన్ని ప్రాంతాల్లో మోస్తరు నుంచి భారీ వర్షాలు కురిసే అవకాశం ఉందని వాతావరణశాఖ పేర్కొంది. నేడు CTR, TPT, ప్రకాశం, NLR, కడప, అన్నమయ్య జిల్లాల్లో మోస్తరు నుంచి భారీ వర్షాలు కురిసే అవకాశం ఉంది. ఆదివారం నెల్లూరు, CTR, TPT, అన్నమయ్య జిల్లాల్లో భారీ వర్షాలు కురుస్తాయని, ఫ్లాష్ ఫ్లడ్స్ ముప్పు ఉందని వాతావరణశాఖ రెడ్ అలర్ట్ జారీ చేసింది.
News November 29, 2025
నల్గొండ: డిసెంబర్ 1 నుంచి నూతన మద్యం పాలసీ!
రెండు రోజుల్లో పాత మద్యం పాలసీ రద్దు కానుంది. డిసెంబర్ 1 నుంచి కొత్త మద్యం పాలసీ అమల్లోకి రానుంది. ఇప్పటికే ఎక్సైజ్ శాఖ టెండర్లు పిలిచి డ్రా పద్ధతిన దుకాణాలు కేటాయించారు. రేపటితో పాత దుకాణదారులకు గడువు ముగుస్తుంది. ఉమ్మడి జిల్లాలో కొత్తగా టెండర్లు దక్కించుకున్న వారు షాపుల ఏర్పాటుకు ఇప్పటికే కసరత్తు మొదలు పెట్టారు. 2 రోజుల్లో గడువు ముగియనుండడంతో వ్యాపారులు దుకాణాల్లో పెద్దగా మద్యం డంప్ చేయలేదు.
News November 29, 2025
రేణిగుంట: అవినీతి ఆరోపణలతో సస్పెండ్.. మళ్లీ పదవి.!
తీవ్ర అవినీతి ఆరోపణలు ఎదుర్కొంటున్నా రేణిగుంట మాజీ సబ్ రిజిస్ట్రార్ ఆనంద్‌రెడ్డిపై 20న హై కోర్టు సస్పెషన్‌ను ఎత్తేసింది. దీంతో ఆయన తిరిగి రేణిగుంటలో పోస్టింగ్ పొందాడు. సాధారణంగా రిజిస్ట్రేషన్ల శాఖ దీనిపై అప్పీల్‌కు వెళ్లాలి. అందుకు విరుద్ధంగా ఆయన్నే రేణిగుంట సబ్ రిజిస్ట్రార్ నియమించాలంటూ IGనే స్పెషల్ CSకు 24న ఫైలు పంపారు. ఇలాంటి వ్యక్తిని మళ్లీ ఎలా నియమిస్తారంటూ పలువురు మండిపడుతున్నారుు.