News November 29, 2025
హుస్నాబాద్ ఇంజినీరింగ్ కాలేజీకీ రూ.35 కోట్లు విడుదల
SU పరిధిలోని హుస్నాబాద్ ఇంజినీరింగ్ కాలేజీకి రూ.35 కోట్లు విడుదల చేస్తూ ప్రిన్సిపల్ సెక్రెటరీ శ్రీధర్ ఉత్తర్వులు జారీచేశారు. HSBDలో ఇంజినీరింగ్ కళాశాల ప్రథమ సంవత్సరం తరగతులు కొనసాగుతున్నాయి. ఇంజినీరింగ్ విద్యార్థులకు తాత్కాలికంగా మౌలిక సదుపాయాల కోసం ఈ నిధులు వెచ్చించనున్నారు. మంత్రి పొన్నం ప్రభాకర్ చొరవతో నిధుల విడుదలవడం పట్ల యూనివర్సిటీ VC, కళాశాల అధ్యాపకులు, విద్యార్థులు హర్షం వ్యక్తంచేశారు.
Similar News
News November 30, 2025
కర్ణాటక ‘సీఎం’ వివాదం.. రెండ్రోజుల్లో నిర్ణయం?
కర్ణాటకలో CM మార్పు ప్రచారం నేపథ్యంలో సిద్దరామయ్య, DK శివకుమార్ కలిసి <<18419745>>బ్రేక్‌ఫాస్ట్ <<>>చేసిన విషయం తెలిసిందే. ఇవాళ ఢిల్లీలో కాంగ్రెస్ చీఫ్ మల్లికార్జున ఖర్గే, రాహుల్ గాంధీ హైలెవెల్ మీటింగ్ నిర్వహించారు. ప్రభుత్వంలో మార్పులు, చేర్పులు, వాటి వల్ల ఎదురయ్యే పరిణామాలపై చర్చించారు. రేపు మరో దఫా భేటీ అయ్యే అవకాశం ఉందని పార్టీ వర్గాలు తెలిపాయి. వచ్చే రెండు రోజుల్లో తుది నిర్ణయం తీసుకోవచ్చని వెల్లడించాయి.
News November 30, 2025
‘దిత్వా’ తుఫాను UPDATE
నైరుతి బంగాళాఖాతాన్ని ఆనుకొని ఉన్న ఉత్తర శ్రీలంక మీదుగా ‘దిత్వా’ తుఫాను కొనసాగుతోందని APSDMA తెలిపింది. ప్రస్తుతానికి కారైకల్‌కి 100KM, పుదుచ్చేరికి 190KM, చెన్నైకి 290KM దూరంలో కేంద్రీకృతమై ఉందని వివరించింది. తుఫాను ఉత్తర వాయవ్య దిశగా ప్రయాణిస్తూ రేపు తెల్లవారుజామునకు ఉత్తర తమిళనాడు, పుదుచ్చేరి, దానికి ఆనుకుని ఉన్న దక్షిణ కోస్తాంధ్ర తీరాల సమీపంలోకి చేరుకునే అవకాశం ఉందని చెప్పింది.
News November 30, 2025
ఏకగ్రీవం కోసం ప్రలోభ పెడితే చర్యలు: సీపీ
గ్రామ పంచాయతీ ఎన్నికలు 2025 సందర్భంగా ఏకగ్రీవం కోసం ఎవరైనా బెదిరించినా ప్రలోభపెట్టినా కఠిన చర్యలు తప్పవని సిద్దిపేట సీపీ విజయ్ కుమార్ హెచ్చరించారు. ఎన్నికల ప్రచారంలో భాగంగా ర్యాలీలు లేదా బహిరంగ సభలు నిర్వహించాలంటే తప్పనిసరిగా సంబంధిత పోలీస్ అధికారుల నుంచి ముందస్తు అనుమతి తీసుకోవాలని స్పష్టం చేశారు.